Deportivo La Korunya (Deportivo La Coruna) futbol klubu İspaniyanın ən köklü komandalarından biri olmaqla, A Korunya şəhərini təmsil edir və 1906-cı ildə qurulub. Komanda ev oyunlarını 46 min nəfərlik tutuma malik Riazor stadionunda oynayır.
Komanda Los Turcos, yəni “Türk” ləqəbi daşıyır. Bunun isə maraqlı hekayəsi var və Osmanlı dönəminədək uzanır. O zaman İspaniya kralı və kraliçası ölkədə olan yəhudiləri qarşı soyqırım həyata keçirirdi. Bizə məlumdur ki, o dönəm Avropanın bir çox yerlərində semit xalqlarına, xüsusən, yəhudilərə qarşı pis mövqe ortaya qoyularaq, onları təqib edirdilər. Belə olduqda Osmanlı sultanı öz sərkərdəsi Barbaros Hayrettin Paşanı İspaniyanın Qalisiya bölgəsinə göndərir. Burada A Korunya şəhərinin əhalisi, gənclər onu çoşğu ilə qarşılayır.
Qalisiyanın başqa bir şəhəri olan Viqonun əhalisi isə bu dostluğu həzm edə bilmir və Deportivoda yaşayanları təhqir edərək, onlara “türk” deyə aşağılayıcı ifadələr işlədirlər. 500 ildir ki, bu rəqabət futbola da yansıyır və hazırda “Celta Vigo” ilə aralarında çox qızğın prinsipial rəqabət hökm sürməkdədir.
Heç təsadüfi deyil ki, 30 noyabr 2006-cı ildə oynanılan “Selta” və “Fənərbağça” komandaları arasında UEFA qarşılaşmasında seltalı azarkeşlər Kürdüstan bayrağı qaldırmışdılar.
Deportivonun Türk sevgisi bu gün də davam edir. Hətta klubun internet saytında türkcə forumları mövcuddur. Bəzən oyunları zamanı azarkeşlər türk bayrağı dalğalandırır və İstiqlal marşı səsləndirir. Özəlliklə, Çempionlar Liqası çərçivəsində Panatinaikos ilə keçirilən maçda stadionda böyük Türkiyə bayrağı asmaları dünya gündəminə bomba kimi düşmüşdü.