Passiv siqaret tüstüsündəki kimyəvi maddələrin 70-i kanserogen maddələrdir…
“Siqaret tüstüsündə çoxlu sayda kimyəvi maddələr vardır. Bunların 250-si toksik, 70-i kanserogen maddələrdir…” Bu barədə Türkiyənin İldırım Bəyazid Universitetinin Tibb fakültəsinin dosenti Dr.Əminə Argüdər (Emine Argüder) deyir.
Bu, bir həqiqətdir ki, siqaret təkcə ondan istifadə edənə yox, həmçinin ətrafda olan və siqaret tüstüsünü udmağa məruz qalan digər insanlar üçün də zərərlidir.
“Passiv siqaret tüstüsünü eyni zamanda, “ikinci əl siqaret tüstüsü” adlandırmaq olar…Bununla yanaşı, passiv siqaret tüstüsü özü də iki cür olur: “ana axın tüstü” və “yan axın tüstü”.”
“Ana axın tüstü”, siqaret çəkən adamın tüstünü öz nəfəsi ilə kənara verməsidir; “yan axın tüstü” isə siqaretin öz-özünə yanarkən kağızından və filtrindən çıxan tüstüdür ki, bu da ən təhlükəlisidir.
Bu gün Türkiyə əhalisinin təxminən 38.3%-i (21 milyon nəfəri) evdə passiv siqaret tüstüsünə məruz qalan insanlardır. Bunlardan da 11.5 milyon nəfəri siqaret çəkməyən insanlardır.
2016-cı ildə aparılan bir araşdırma nəticəsində məlum olub ki, passiv siqaret tüstünə məruz qalmaları nəticəsində 884 min insan həyatını itirib.
UŞAQLARDA BEYİN ŞİŞİ RİSKİNİ ARTIRIR
Ata və anası siqaret çəkən uşaqların inkişafı, hələ ana bətnində olduğu zamanlardan etibarən təhlükə altına girir. Bu zaman uşağın düşmə, ölü doğulma riski artır, doğulduqdan sonra da müxtəlif xəstəliklərə (tənəffüs yollarında problemlər, astma, beyin şişi, talassemiya, lenfoma, qan-damar xəstəlikləri və s.) mübtəla olma riski çoxalır.
Yaşlı adamlarda da ürək-damar xəstəliklərinin, ağciyər xərçənginin, iflicin yaranması riskini artırır.
Dr. Əminə Argüdər, bu gün Türkiyədə kişilərin 401%-nin, qadınların isə 13.3%-nin siqaretdən istifadə etdiyini bildirir…