Bu hekayə “Arsenal”ın yarımmüdafiəçisi Qranit Cakanın (Granit Xhaka) həyatə hekayəsidir, hansı ki, onun şəxsiyyətini formalaşdırmış və daxilində olan qəzəbi daim alovlandırır. “Bildiyimə görə, onun həbsxanadakı ilk bir neçə ayı normal keçmişdi. Lakin sonradan işkəncələr, döyülmələr başlamışdı…” Caka deyir.
Söhbət öz siyasi fikirlərinə görə 6 il müddətinə həbs həyatı yaşayan Qranit Cakanın atası Raqip Cakadan (Ragip Xhaka) gedir. O, 1986-cı ildə 22 yaşında Kosovoda Priştina Unversitetində təhsil alarkən, Belqradda kommunist hökumətə qarşı nümayişlərdə iştirak etmiş və buna görə də həbs olunmuşdu. Onu və başqa dörd nəfəri bir kameraya salmış və gün ərzində yalnız on dəqiqə açıq havaya çıxarırmışlar. “Bu, məni daim incidən bir hekayədir və bircə onu bilirəm ki, atam özü və həbsi barədə hələ də çox şeyi açıq demir mənə” Caka əlavə edir.
“Atam qürurlu bir kosovalı idi və hüquqları uğrunda mübarizəyə qoşulmuşdu. Bu, demokratik hüquqlar idi…” Caka deyir. Bu ağrı-acını onun ailəsi də çox hiss edib. Onun əmisi, anası Eli və bütün ailəsi bu acı hissləri yaşayıb.
“Valideynlərim haqda bildiyim ən qəribə şey o idi ki, atam və anam atamın həbsindən cəmi üç ay əvvəl bir araya gəliblər. Mən heç zaman eşitməmişəm ki, hardasa cəmi üç ay əvvəl tanış olub evlənən və daha sonra altı il yoldaşının yolunu gözləyən bir xanım olub. Mənim anam ayrı bir insandır. Ona hər zaman qəlbimdə səcdə edirəm. Bir də onu deyim ki, atamı vaxtından əvvəl, əmimlə eyni vaxtda azad etdilər. Lakin bunun səbəbləri də indiyədək bizim üçün qaranlıqdır.”
Həbsxanadan azad olunduqdan sonra Cakanın valideynləri İsveçrəyə köçmək qərarına gəldilər. 1990-cı ildə böyük oğulları Taulant, 1991-ci ildə isə Qranit dünyaya gəldi. “Atam bizim böyüməyimizdə inanılmaz güc sərgilədi və mənlə qardaşım Taulant güclü böyüdük. Bizdə bir doqma, bir model var ki, həyatda bir çox şeylər əldə etmək üçün güclü olmalısan..”
Caka İsveçrəyə əldə etdiyi hər şeyə görə borclu olduğunu deyir, lakin heç zaman öz alban kökünü də unutmur. “Londonda da bir çox alban tanışım var. Burda onlardan bəziləri maşın yuyur və mən də özümünkünü onların yanına aparıram. Onlarla zarafatlaşır və əlbəttə ki, əsasən futboldan danışırıq. Onlar çox yaxşı insanlardır…” Caka söhbətinə davam edir.
Caka öz həyat yoldaşı Leonita ilə birlikdə Barnetdə yaşayır. Burada Kamden (Camden) qəsəbəsi ona daim Priştinanı xatırladır. “Biz Taulant ilə uşaq olanda Bazeldən avtobusla Priştinaya yola düşdük, baba və nənəmizi ziyarət etdik. Avtobusun dayandığı hər bir yer bizə Kamdeni xatırladır. Priştina ilə Kamden bir-birinə çox oxşayırdı…”
Caka özü haqda danışarkən qeyd edir ki, o, çox sadə adamdır, sadə geyməyi, sadə yeməyi çox sevir. Caka heç zaman məğlub olmağı, itirməyi sevmədiyini söyləyir. Hətta həyat yoldaşı Leonita deyir ki, final fitindən sonra Cakanı ən azı bir saat danışdırmamaq lazımdır.
Mənbə: The Guradian.com (ixtisarla)
