Paradoksal olsa da, bəzən xuliqanlıq hərəkətlərinin əsasında xoş niyyətlər də ola bilər. Oksford Universitetinin (Böyük Britaniya) mütəxəsisləri qeyd edir ki, futbol azarkeşləri arasında müşahidə olunan xuliqanlıq hərəkətlərinin kökündə sosial əlaqələr yer alır. Fanatlar öz cəmiyyətlərinin digər nümayəndələrinin radikal üsullarla da olsa müdafiə etməyə çalışırlar ki, bu da xuliqanlıq hərəkətlərinə yol aça bilir.
Alimlər 465 braziliyalı azarkeş arasında eksperiment aparmışlar və məlum olmuşdur ki, xuliqanlıq hərəkətləri etmiş azarkeşlər, əslində meydandan kənarda çox sakit təbiətli adi insanlardır.
O da qeyd edilir ki, bu hərəkətlər digər qrupların adi nümayəndələrinə qarşı yönəlmir və yalnız rəqib komandanın azarkeşləri və polislərə qarşı baş verir.