Böyük Britaniyada çaylarda və göllərdə olan bütün qu quşuları kraliçaya məxsusdur. Bu qayda XIII əsrdən bəri hökm sürür. Onları tutmaq və ya hazırlamaq, yalnız kraliça tərəfindən bu hüquq verilmiş şəxslər tərəfindən (sonralar bu imtiyaz şərab tacirlərinə və boyaqçılara verildi) edilə bilər. O vaxtdan bəri xüsusi işarələr sistemi yaradılıb ki, bununla da qu quşuların dimdiyi bu işarələrlə çizilir və bununla da, onların kimə məxsus olduğu bilinir. Əgər hansısa qu quşunun dimdiyində bu işarələrdən yoxdursa, deməli, o, kraliçaya məxsusdur.
Qu quşuların dimdiyinə vurulan işarələrin nümaunələri («Böyük Britaniya quşlarının tarixi» Uilyam Yarella, 1843)
Hər ilin iyul ayında ənənəvi olaraq, Temza çayında qu quşularının inventarlaşdırılması aparılır. Qırmızı və göy rəng köynək və ağ şalvar geymiş avarçəkənlər çaya enir və qu quşularının xəstə və ya zədəli olub-olmadığını araşdırır. Bu araşdırma işləri, qanuna görə, Temzanın bir neçə hissəsində və qollarında aparıla bilər.