Hekayə çox maraqlıdır…
Təxminən 890-cı illərdə romalı konsul Teofilakt ilə “Senatrix” ləqəbli Teodoranın qızı olaraq dünyaya gəlir.Anası ilə bağlı verilən tanıtım belədir: “Roma xalqını bir kişi kimi idarə etmiş arsız fahişə…”
Bu qız on beş yaşında Teofilaktın əmisi oğlu Papa III Sergiusun məşuqəsi olur. (Həmçinin papa III Sergiusun köməkliyi ilə markqraf I Alberiklə evlənir). Bunların İohann (John) adında bir uşağı dünyaya gəlir. Bu uşaq sonradan Papa XI İohann (XI John) olacaqdı.
Daha sonra sırf Papa X İohanın iqtidarını zəiflətmək üçün toskanalı Qay ilə evlənir. Bunlar Romaya hücum edib, papanı həbs edir və həbsdə boğub öldürürlər. Sonrakı iki papa VI Leo və VII Stefan bunların əlində oyuncaq kimi fəaliyyət göstərir.
Daha sonra İtaliya kralı Hüqo (Hugh) ilə evlənir. Onların oğullarından II Alberik anasını həbs etdirir və qadın həbsdə vəfat edir. II Alberikin oğlu sonra papa olur.
Papalıq uğrunda savaşlarda Marozia adlı bu qadının bir oğlu, iki nəvəsi, iki nəvəsi uşağı və bir nəvəsinin nəvəsi papalıq mərtəbəsinə yüksələ bilir.