Bu, yeddi dəfə ölümlə üz-üzə gələn və hər dəfəsində də üzüağ çıxan, daha sonra taleyin mükafatını qazanan xorvat musiqi müəllimi Frane Selakın həyat hekayəsidir…
O, 1929-cu ildə dünyaya göz açıb. Dirijorluq ixtisası üzrə təhsil alıb, xeyli müddət məktəbdə xor dərnəyinin rəhbəri olub, beş dəfə ailə həyatı qurub. Onun tərcümeyi-halının əsas hissələri isə qarşıdadır.
1962-ci ildə Sarayevodan Dubrovnikə qatarla gedərkən, qatar relsdən çıxır və xeyli insan buzlu çaya düşür. 17 nəfər boğulur, lakin Selak güclü soyuqdəymə, şok və müxtəlif xəsarətlərlə canını qurtara bilir.
Bir il sonra, 1963-cü ildə Zaqrebdən Riekaya DC-8 təyyarəsi ilə səyahət edərkən. qəflətən təyyarənin qapısı açılır. Qəza nəticəsində 19 nəfər həyatının itirir. Selak bu dəfə ot tayasının üzərinə düşür. Canını müxtəlif xəsarətlər bahasına qurtarır.
1966-cı ildə Split şəhərinə gedən avtobusun içərisində Selak da vardı. Birdən avtobus idarəetməni itirir və çaya düşür. 4 nəfər ölür, lakin bu dəfə də Selak müxtəlif xəsarətlər alsa da sağ qalmağı bacarır.
1970-cı ildə şəxsi avtomobili ilə səyahət edərkən, qəflətən benzin çəninin alışması nəticəsində avtomobili yanır, o isə canını birtəhər qurtarmağı bacarır. Daha sonra avtomobili partlayır.