Niyə restoranda sifariş verməyə çətinlik çəkirik?
Yaşam

Niyə restoranda sifariş verməyə çətinlik çəkirik?

Paylaşmaq

ABŞ-ın Kaliforniya Texnologiya İnstitutunun alimləri çoxlu variantlar arasında seçim etməyin niyə çətin olduğunu təcrübə yolu ilə aydınlaşdırıblar. Bu hal ilə gündəlik həyatımızda, məsələn, restoranda yemək sifariş verərkən tez-tez qarşılaşırıq.

Təxminən 20 il əvvəl indi qeyd edəcəyimiz təcrübədə bunu yoxlayıblar. Belə ki, təcrübəni həyata keçirənlər mağazada alıcıların qarşısına bir masada 24 müxtəlif, o biri masada isə 6 müxtəlif cem bankası düzmüşlər. Alıcıların hamısı 24 cem bankası olan masanın ətrafına toplaşır, fikirləşir, lakin heç nə almırlar. Əksinə, hamısı 6 banka cem olan masadan nələrsə alıb qayıdırlar.

İndi alimlər bunu daha bir təcrübə ilə yoxlamaq qərarına gəlir. Onlar könüllülərin qarşısına seçim etmək üçün əvvəlcə 6, sonra 12, daha sonra isə 24 şəkil qoyur və seçim zamanı onların beyinlərinin işləməyini MRT ilə izləyirlər. Müşahidə olunur ki, ən yüksək aktivlik 12 şəklin qarşısında qeydə alınır. 24 şəkil qarşısında isə aktivlik sıfıra enir. Beləliklə, ümumi olaraq, aktivliyin 8-15 şəkil arasında qeydə alındığı üzə çıxır.
Belə nəticəyə gəlinir ki, insanın qarşısında nə qədər çox seçim şansı olarsa, seçim etmək bir o qədər çətinləşər.

Vokrugsveta.ru