San-Bentu stansiyası
Portu, Portuqaliya
Əgər bələdçi turistləri şəhərin mərkəzində yerləşən bu vağzala gətirirsə, turistlərin çoxu bunun niyə baş verdiyini anlamaqda çətinlik çəkir. Lakin binanın içərisinə daxil olduqda, hətta nəfəs almağı belə unudurlar. Vağzalın interyeri böyük bir qalereyanı xatırladır, divarda peyzajlar, döyüş şəkilləri, kənd həyatını əks etdirən portretlər və s. göz oxşayır. Vağzalın sahəsi 551 m²-dir və təxminən yüz il əvvəl poruqaliyalı rəssam Jorje Kolasu tərəfindən hazırlanıb.
Atoça stansiyası
Madrid, İspaniya
Bu tarixi bina, Qustav Eyfein tələbəsi Alberto Palasio tərəfindən tikilib. Əvvəllər terminal kimi istifadə olunsa da, 1992-ci ildə yenilənmişdir. Bura sanki tropik bağı xatırladır, 7200 bitki növü, qızıl balıqlar və ekzotik tısbağaların olduğu hovuz, həmçinin gecə klubu, mağaza və kafe var.
Kanadzava stansiyası
Yaponiya
Platforma üzərində şüşə dam və 14 metrlik ağac tağ (Tsudzumi qapıları), ondan da qabaqda rəqəmsal saatlı fəvvarə var.
Lyejhiymen vağzalı
Lyej, Belçika
Bu tikilinin dəyəri 437 milyon avrodur. 2009-cu ildə istifadəyə verilib. 39 polad tağ üzərində 32 min m² şüşə qapaqlıq var.
Strasburqun əsas vağzalı
Fransa
Bina 1883-cü ildə tikilib, 2007-ci ildə futuristik şüşələrlə örtülüb (6000 m²). 16 metal tağ üzərində 900 şüşə panel durur.
Pekin Qərb vağzalı
Çin
1996-cı ildə açılıb və o vaxt Asiyanın ən böyük vağzalı idi (510 000 m²). 400 min nəfər sərnişin qəbul edə bilər.
Samara stansiyası
Rusiya
Hündürlüyü 101 metrdir. “High-tech” üslubunda bir məbədi xatırladır. Kuybışev magistralı muzeyi, qış bağı və Smolensk Məryəm ana məbədi yerləşir.
