XIX əsrdə Jül Vern üzən şəhər haqqında fantastik roman yazmışdı. Bu gün isə bu xəyal gerçəkliyə qovuşur…
Neytral sularda üzən azad şəhər artıq gerçəkliyə çevrilməkdədir. Sisteydinq ideoloqları Silend (Sealand) timsalında heç bir dövlətin yurisdiksiyasına daxil olmayan, azad üzən şəhərlərin reallaşdırılmasına başlayırlar. 2001-ci ildə Patri Fridman və Ueyn Qremlik bu ideyanı daha da inkişaf etdirərək, 2008-ci ildə San-Fransiskoda Sisteydinq İnstitutu (Seasteading İnstitute) qeyri-kommersiya təşkilatını yaradırlar. Artıq 2022-ci ildə təşkilat tərəfindən yaradılmış Blue Frontiers şirkəti pilot üzən ada layihəsini həyata keçirmək niyyətindədir. İlkin olaraq, 300 evdən ibarət olacaq bu ada, Fransa Polineziyasının sahil sularında, təhlükəsizlik nədənləri ilə quruya yaxın hissədə salınacaqdır. Bu adanın hətta öz kriptovalyutasının ( varion) olması belə planlaşdırılır.
Suyun altında otellər və əyləncə mərkəzləri yaradılacaq.
Şəhərdə, həmçinin suyun altında çoxlu yaşıllıqların salınması nəzərdə tutulur.
Ayrı-ayrı adalar bir-biriləri ilə sualtı tunellər vasitəsilə qovuşacaq. Hazır çoxbucaqlı modullar dənizdə bir-birinə birləşdiriləcəkdir. Əsas nəqliyyat vasitəsi – yaxtalar və mülki submarinalar olacaq. Qida vertikal şəkildə yaradılmış fermalarda və balıq vətəgələrində yetişdiriləcək. Enerjinin əldə olunması üçün hidrogeneratorlardan istifadə olunacaq. Tullantılar isə yenidən emal ediləcək.
Ümumiyyətlə, quru hissə Yer kürəsinin 29%-ni tutduğundan, əhali sıxlığının qarşısını almaq üçün suda inşa ediləcək meqapolislər bu problemin aradan qaldırımasına köməklik göstərəcək.
“Üzən şəhər” layihəsi Çin şirkəti CCCC-nin sifarişi əsasında Britaniya şirkəti olan At Design Office tərəfindən həyata keçiriləcək.
«Azadlıq gəmisi»
Şəhər infrastrukturlu 50 min nəfərlik nəhəng layner layihəsi ideyası hələ 1990-cı illərdən ortaya atılıb.
Wayaland
Piramida şəkilli binalardan ibarət şəhər layihəsi italyan Pyerpaolo Ladzarini tərəfindən irəli sürülüb. O, bu ideyanı Yaponiya memarlığından və qədim mayyalılardan təsirlənərək reallaşdırmaq niyyətindədir.
«Dəniz oazisi»
Üzən kurort – dizayner Emerson Steppin ideyasıdır və Sisteydinq İnstitutunun elan etdiyi müsabiqə üçün təqdim edilib.
Seaorbiter
Fransız memar Jak Rujri tərəfindən layihələşdirilən gəmi-laboratoriya dənizin dərinliklərini tədqiq etmək üçün nəzərdə tutulur.
