Otel axtarışı və bronu üzrə internet platforması olan Airbnb turistlərə Böyük Çin Səddində gecələmək təklif edir. Bunun üçün turistlər mədəniyyətlərarası maneələrin aradan qaldırılmasının vacibliyi və bu abidəni nə üçün ziyarət etmək istədiyi haqda esse yazmalıdır. Essenin həcmi 550 simvoldan çox olmamalıdır. Ərizələr 11 avqust tarixənədək qəbul olunur və seçilmiş şəxslər sentyabr ayından etibarən Böyük Çin Səddində gecə keçirə biləcəklər. Bura həmçinin səhər və şam yeməyi, kalliqrafiya üzrə master-klass və ekskursiyalar daxildir.
Aksiya Pekin Turizmin İnkişafı üzrə Komitə ilə birlikdə həyata keçirilir.
