Fustanella: Balkanlar
Fustanella — Ənənəvi Balkan kişi yubkasıdır. XIX əsrdə o, yunan hərbi uniformasının tərkib elementlərindən biri olub.Hazırda bu geyimi Yunanıstan ordusunun elit quru qoşunu olan “evzonlar” istifadə edir.
İhram: müsəlman ölkələri
İhram — müsəlmanların Həcc ziyarəti zamanı geydikləri geyimdir.
Sulu: Fici
Ficidə kişilər də yubka geyir. Adada bu geyim forması XIX əsrdə – Tonqa arxipelaqından gələn missionerlər tərəfindən yayılıb. Yerli əhali yubkanı xristian olduqlarını göstərmək üçün geyirdilər.
Bu geyim forması nəinki ənənəvi geyim forması, həmçinin məktəbli və hərbi geyim, eləcə də, məmurların geyimi kimi də istifadə olunur.
Kilt: Şotlandiya
Bu gün ən məşhur kişi geyimlərindən biri də kiltdir. Şotlandlar onu toy və ya rəsmi qəbullar zamanı geyinir. Yubka qurşağa kəmər vasitəsilə bərkidilir və xüsusi çanta (sporran) taxılır.
Qxo: Butan
Bu geyim formasını XVII əsrdə ölkənin qurucusu Şabdrunq Nqavanq Namqyal ortaya çıxarıb. Geyim formasına kabni adlanan şərf və dizə qədər çəkilən corab daxildir. Hazırda bu geyimdən məktəblilər, dövlət işçiləri istifadə edirlər.
Pasxou: Birma
Pasxou adlanan bu geyim formasının uzunluğu 2 metr, eni isə 80 santimetrdir. Qadınlar üçün də buna oxşar geyim forması var. Lakin pasxou qarın tərəfdən düyünlənir. Qadınlarınkı isə yan tərəfə yığılır. Bu geyim yayda istilənmənin qarşısını alır və ventilyasiya yaradır.
Cellaba: Mərakeş
Cellaba — beş itigüuşəli kapşonu olan xalatdır. Kişilər və qadınlar istifadə edir. Qızmar günəş altında və yağışda geymək mümkündür. Kapşondan bəzən çanta və pulqabı kimi də istifadə edirlər. Cellabanın rəngi onun sahibi haqqında çox şeyi deyir. Məsələn, tünd-qəhvəyi rəngli cellabanı subaylar, ağ cellabanı isə yüksək sosial vəziyyəti olan şəxslər geyirdilər. Hazırda bu geyimi təntənəli mərasimlər zamanı geyirlər.
Hakama: Yaponiya
Yaponiyada VI əsrdən Çin mədəniyyətinin təsiri ilə kişilər kimononun üstündən yubka-şalvar olan “hakama” geyirlər. Əvvəllər bunu yalnız kişilər geysə də, zamanla qadınlar da bundan istifadə etməyə başladılar. İndi isə kişilər bu geyimi nadir hallarda – yalnız çay mərasimləri və ya rəsmi tədbirlər zamanı geyirlər. Həmçinin döyüş sənəti ilə məşğul olanlar da bu geyimdən istifadə edirlər.
