Finlandiya
Finlandiyada sürücülük vəsiqəsini 15 yaşından almaq mümkündür, lakin skuter üçün…16 yaşında kiçik kublu motosiklet (125 kub sm-dək) üçün, 18 yaşdan isə adi avtomobillər üçün sürücülük vəsiqəsi almaq olar. Rus dilində də kurslar mövcuddur, lakin bahalıdır.
Polisdən müvafiq arayış aldıqdan sonra namizədi mövsümdən və tipindən asılı olaraq, 3 təlim müddəti gözləyir: adi, qış və ekstremal təlimlər.
Meksika
Bir neçə il öncə Meksikada sürücülük vəsiqəsi almaq üçün bircə şey tələb olunurdu: 50 dollar pul.
2014-cü ildən başlayaraq isə imtahanlar tətbiq olunsa da, çox da çətin deyil və formal xarakter daşıyır.
Almaniya
Almaniyada sürücülük vəsiqəsi almaq istəyənlər üçün uzun və fasiləsiz əmək tələb olunur. Təlim proqramına ilk yardım, qaranlıq saatlarda avtobanda hərəkət və ictimai avtodromlarda özünühazırlıq daxildir. Üç saatlıq nəzəriyyədən sonra test imtahanı da verilir. İmtahanın praktiki hissəsi şəhərdə 45 dəqiqədən az olmayaraq avtomobil sürməkdən ibarətdir. Təlimatçı Almaniyada ən səviyyəli, ən yüksək maaşlı peşələrdən hesab olunur.
Koreya
Cənubi Koreyada isə tam əksinə, proses asandır: altı saatlıq təlim kursu, asan test imtahanı və vəsiqə cibinizdədir. Hətta yaponlar və çinlilər də vəsiqə almaq üçün buraya gəlir.
Hindistan
Hindistanda hərəkət – tam bir xaosdur. Zatən burada təlim kurslarına çox az sayda adam gedir, hər kəs öz qohum-əqrəbasından, dostundan öyrənir.
Namizədlərdən sadəcə avtomobili yerindən hərəkətə gətirmək, sağa döndərmək və ehmalca saxlamaq tələb olunur.
ABŞ
ABŞ-da hər ştatın öz təlim qaydaları var. Lakin hamısı üçün ümumi olan bir neçə nüans mövcuddur. Sürücülük vəsiqəsi almaq üçün 16 yaşa çatmaq vacibdir. Demək olar ki, heç kəs sürücülük məktəblərində oxumur, imtahanlar ekstern verilir. Nəzəri imtahanlar 10 dildə (o cümlədən, rus dilində) verilə bilər. Suallar təkcə qaydalardan deyil, həmçinin məntiqdən düşür. Bir neçə səhv keçərlidir.
Praktik imtahanlar təlimatçının təyinatı ilə verilir. İmtahana giriş 30-40 dollardır ki, bura həmçinin bir saat ərzində avtomobil sürmək də daxildir.
İsveç
İsveçdə sürücülük üçün təlim proqramına üç saatlıq mühazirə daxildir. Mühazirədə əsasən, sərxoşluq, yorğunluq və yuxusuzluq hallarında idarəetmədən danışılır. Praktiki imtahanlar üçün isə konkret müddət yoxdur, kimi 10 dəqiqəyə verə bilər, kimi də bir saata…Test suallarından (70 sual) 18-nə səhv cavab vermək keçərli sayılır. İmtahan uğurla verildikdən sonra vəsiqə poçt vasitəsilə göndərilir. Ona qədər isə avtomobil idarə etmək olmaz.
Tailand
Tailand sakinləri əsasən, motosiklet (motobayk) üçün vəsiqəyə üstünlük verir. Rus sürücülük vəsiqələri ilə nəqliyyat vasitəsi idarə etmək qadağandır. Belə hal qeydə alınarsa sürücü, bir neçə yüz bat (Tailandın pul vahidi) miqdarında cərimə olunur və qəza şəraitində heç bir sığorta verilmir.
Hər bir şəhərdə çoxlu sürücülük məktəbləri var. İmtahanlar üç hissədən ibarətdir: fizioloji testlər (daltonizm müayinəsi, məsafə hiss etmə və sürətə reaksiya), nəzəri hissə (50 sual, 10% səhv keçərlidir) və praktik hissə…
Yaponiya
Hətta yaponlar üçün də sürücülük məktəblərində təhsil almaq çox bahalıdır. Bu məbləğ orta aylıq əmək haqqı ilə müqayisə olunur. Bunun üçün əksərən yaponlar kredit götürürlər.
Təlim kursu bitdikdən sonra onlar sürücülük lisenziyası verilən mərkəzə gəlməli, son yeniliklərdən xəbərdar olmalı, maarifləndirici filmə tamaşa etməli və testdən keçməlidirlər. Kim imtina etsə, vəsiqə verilmir və yenidən təlim kursu keçməli olursan.
