Tabu ritualları ilə məşğul olan hindu asket təriqəti – Aqhorilər hannibalizm, nekrofiliya, alkoqol və narkotik maddələrdən istifadə etdən, dəfn yerlərində meditasiya və cəsədləri yandırmaları ilə tanınan bir təriqətdir. Sayları məlum deyil. Hindistan və Nepalda asketik həyat tərzi sürürlər. Səkkiz amilin maariflənmənin qarşısını aldığına inanırlar: şəhvətli həzz, qəzəb, tamah, vəsvəsə, qorxu, cəhalət, qürur və nifrət. Aqhori ritualları onların məhv edilməsinə yönəlib.
Ən tanınmış nümayəndəsi Aqhori Babadır. “Baba” yaşlı kişi üçün hörmət mənasında işlədilən bir termindir. Yaşı təxminən 67-dir. Sabit yaşayış yeri yoxdur. Adətən Hindistanın Varanasi şəhərində tələbələri ilə birlikdə görülür. O, aqhori olmamışdan əvvəlki həyatı haqqında heç nə danışmır, çünki onun üçün fərqi yoxdur. Hind və Sanskrit dillərində danışır.
Bir Aqhorini necə tanımaq olar? Onların saçları uzun, “dreadlocks” halına salınmış, bədəni külə bulaşmış, alnında Şivanın əlaməti – bağlı üçüncü göz olur. Əsas istifadə etdikləri aksessuarlar: tridentli bir əsa, kiçik bir şlyapa, insan kəlləsi və sümüklərdən ibarət təsbeh və bəzi hallarda çiyinlərinə salınmış pərdə.
Aqhorilər demək olar ki, paltar geyinmir, çünki paltar mülkdür və hər hansı bir mülk bağlılığa gətirib çıxarır. Cəsədin smaşandan – dəfn odunundan yaranan külünü yeyirlər. Bədən hissələrini qaynar kömürlərin üzərinə qoyub ətrafında otururlar. Əllərini arxaya qatlayır, aşağı əyilir və birbaşa isti kömürlərdən ət parçalarını dişləyirlər. Çox vaxt əsl Aghori qara, yanmış dili ilə tanınır. Onların qida rasionunu əsasən zibil yığınlarından çürük yeməklər, ölü heyvanlar, nəcis təşkil edir.
Seksi insanın həyatında ən böyük sınaq hesab edirlər. Kişiliyi öldürmək, bir aqhorinin etməli olduğu ilk şeydir. Tələbə bilik əldə etməyə başlayan kimi onun cinsiyyət üzvünə dəmir zəncir sarılaraq çiyninə atılır. Beləliklə, aqhori tədricən ağrıya alışır və penis həssaslığını itirir.
Aqhorilər meyitlərlə əlaqədə olur. Bu ritual onların ibadət etdiyi tanrıça Taranın hopdurulmasıdır. Aghori kainatın kişi tərəfidir, yəni Şivadır. Meyit kainatın qadın tərəfini, yəni Taranı simvolizə edir.
Aqhorilər deyir ki, insanlar bizi spirtli içki içməyə, həşiş çəkməyə görə qınayırlar. Amma onlar unudurlar ki, Şiva tanrısı Kaylaş dağında meditasiya edərkən tiryək çəkirdi. Biz oyaq qalmaq üçün içirik və siqaret çəkirik, yuxu bizi şüur vəziyyətindən uzaqlaşdırır. Alkoqol və həşiş maariflənmə yolunda güclü aqhoriyə kömək edir: ancaq alkoqolu ram etməli və onu özünüz üçün işlətməlisiniz. Zəiflər üçün bu, böyük sınaqdır: əgər sərxoşluq zamanı aqhori öz məqsədini unudub vəziyyətdən həzz almağa başlayırsa, deməli, o, itib.
