Aa
Libre.az
  • Ana səhifə
  • Tədqiq və Tətöbbə
  • Ordan-burdan
  • ART
  • SportİSM
  • Yaşam
  • Bizə yazın
Reading: Müəmmalı şəkildə yoxa çıxmış yeddi məşhur
Paylaş
Libre.azLibre.az
Aa
Search
  • Ana səhifə
  • Tədqiq və Tətöbbə
  • Ordan-burdan
  • ART
  • SportİSM
  • Yaşam
  • Bizə yazın
Have an existing account? Sign In
Follow US
© Libre.az 2023. Bütün hüquqlar qorunur.
Libre.az > Ordan-burdan > Müəmmalı şəkildə yoxa çıxmış yeddi məşhur
Ordan-burdan

Müəmmalı şəkildə yoxa çıxmış yeddi məşhur

Libre
Libre 148 dəfə oxundu
Paylaş
The clothes and spearfishing equipment left on Cheviot Beach near Portsea, Victoria by Australian Prime Minister Harold Holt, who went missing whilst swimming, December 1967. (Photo by Central Press/Hulton Archive/Getty Images)
Paylaş

Hər gün dünyada minlərlə insan itkin düşür. Onlardan bəziləri məşhur şəxslərdir. Onların yoxa çıxması ictimaiyyətin diqqət mərkəzində olsa da, onlardan hələ də səs-soraq almaq mümkün olmayıb.

Bölmələr
Lui Leprens, mücidAqata Kristi, yazıçıCimmi Hoffa, həmkarlar ittifaqı xadimiQlenn Miller, trombonistMaykl Rokfeller, antropoloqAmeliya Erhart, pilotHarold Holt, Avstraliyanın baş naziri

Lui Leprens, mücid

Fransız mücid Lui Leprens kino çəkilişi aparmaq üçün yaradılmış ilk aparatın müəllifidir. O, Böyük Britaniyada və ABŞ-da işləyib, 16 sentyabr 1890-cı ildə Parisə dönmüş, daha sonra isə Dijona – qardaşıgilə yollanmışdır. Qohumu onu Paris vağzalından yola salmış, lakin mənzil başına gedib çıxmamışdır. Naməlum səbəblərdən nə Lui, nə də onun əşyaları kupedə tapılmışdır.

Onun yoxa çıxması bir sıra söz-söhbət yaratmışdı. Bəziləri bunu intiharda, bəziləri  sui-qəsddə, bəziləri isə rəqiblərinin hiyləsi nəticəsində yaranmış münaqişədə görürlər.  Hökm sürən əsas versiya budur ki, guya Leprens, Tomas Edisondan əvvəl kino çəkilişini həyata keçirən aparat üçün patent hüququnu almağa çalışırmış. Bəziləri də burdan yola çıxaraq, onun itkin düşməsi ilə bu məsələ arasında bir əlaqə qurmağa çalışırlar.

Aqata Kristi, yazıçı

Dünya şöhrətli yazıçı, detektiv romanların müəllifi olan Aqata Kristinin şəxsi həyatı müəmmalarla doludur. Belə ki, 1926-cı il onun üçün bir sıra xoşagəlməz hadisələrlə zəngin oldu, əvvəlcə anası dümyasını dəyişdi, daha sonra həyat yoldaşı qolfda tərəf müqabili olan Nensi Nili sevdiyi üçün, boşanmaq haqqında qərar verdi. Bir neçə gün sonra əri onu tərk edib sevgilisinin yanına getdi və Aqata bir qeyd yazılmış kağız parçası buraxaraq Yorkşirə yollandı. Onu on gün tapmaq mümkün olmadı. Onun axtarışına təxminən min nəfər polis və it, eləcə də, on beş min könüllü qatılmışdı. Bir neçə gün sonra isə onun avtomobili təbaşir karyerinin yanında aşkar olundu. Maşının arxa oturacağında isə kürk və vaxtı bitmiş sürücülük vəsiqəsi qalmışdı.

Bir müddət sonra Harroqeytdə bir otel sahibi şəkildən onu tanıdığı üçün onun yerini xəbər vermişdi. Lakin o, soyadını dəyişərək, ərinin yeni məşuqəsinin soyadını götürmüşdü – Tereza Nil…Həm də həkimlər onun yaddaşının pozulduğunu qeyd etmişdilər.

O, heç nəyi xatırlaya bilmirdi, hətta öz tərcümeyi-halını belə unutmuşdu. Maraqlıdır ki, 1934-cü ildə o yeni roman yazır. Romanın adı isə “Bitməmiş portret” idi. Əsərdə söhbət bir qadının boşanmasından və onun bir adaya gəlib intihar barədə düşünməsindən gedirdi.

Cimmi Hoffa, həmkarlar ittifaqı xadimi

ABŞ-ın həmkarlar ittifaqı lideri Cimmi Hoffa 62 yaşında izsiz yoxa çıxıb. O, nəinki fəhlələrin hüquqları uğrunda mübarizəyə görə, həmçinin amerikan mafiyası ilə əlaqələrə görə məşhurlaşmışdı.

30 iyul 1975-ci ildə o, Detroytda cinayətkar dairələrlə əlaqəsi olan iki keçmiş həmkarlar ittifaqı xadimi – Entoni Provenzano və Entoni Cakalone ilə görüşə gedir. Görüş şəhər ətrafındakı restoranların birində baş tutmalı idi. Bu zaman o, iki telefon zəngi edir: biri həyat yoldaşına, o biri keçmiş silahdaşına. Danışıq zamanı qeyd edir ki, onunla görüşə gələn olmayıb.

Sonuncu dəfə onu restoranın yanında avtomobilində, parkinq yerində görüblər. Daha sonra isə avtomobili açıq şəkildə tapılıb. Yeddi ildən sonra o, ölmüş elan edilib.

Qlenn Miller, trombonist

O, Qlenn Miller böyük hərbi orkestr yaratmaq qərarına gəlir. Məqsədi cəbhədəki hərbçilərin ruhunu qaldırmaq idi.  1943-cü ildə o, arzusunu həyata keçirir. Orkestri bir çox yerləri gəzir. 15 dekabr 1944-cü ildə yeni il çıxışı üçün Böyük Britaniyadan Fransaya uçur. İçərisində olduğu təyyarə yerə enmir. Bir versiyaya görə, “Norman S-64” təyyarəsinin karbüratoru buzlayır və təyyarə bütün ekipajla birlikdə qəzaya uğrayır. Digər versiya da aviaqəza ilə bağlıdır. Guya britaniya bombardmançılarının atdığı mərmi təsadüfən təyyarəyə dəyir, Miller ağır yaralanır və bir fransız qospitalında dünyasını dəyişir.

Maykl Rokfeller, antropoloq

Siyasətçi və bankir Nelson Rokfellerin oğlu Maykl antropologiya ilə məşğul idi və 18 noyabr 1961-ci ildə Okeaniyada ekspedisiya zamanı yoxa çıxır. Onunla birlikdə etnoqraf Rene Vassinq və daha iki yerli sakin, hannibal-asmatların yaşadığı əraziyə zəif motorlu xarab qayıq ilə yola düşür. Vassinq xilas olsa da, Maykldan xəbər-ətər çıxmır. Ola bilsin ki, o, ya asmatların əlinə keçib, ya da timsah və ya akulaların yeminə çevrilib.

Ameliya Erhart, pilot

Amerikalı Ameliya Erhart həyatını təyyarə ilə bağlayıb və Atlantik okeanını keçmiş ilk qadın pilot kimi tarixə düşüb. Onu arzusu ekvator xətti boyunca bütün dünyanı dövr etmək idi. 1937-ci ilin yayında o, şturman Fred Nunan ilə birlikdə Mayamidən havaya qalxır. İyulun 2-də təyyarə radarlardan itir. Məlum idi ki, onlar üçün Haulend adasında  dayanmaq üçün xüsusi zolaq hazırlanmışdı. Təyyarə ilə əlaqəni sahil mühafizə gəmisi saxlayırdı. Sonuncu dəfə təyyarədən gələn radioqram yanacağın bitməsi haqqında olub və bununla da təyyarə ilə əlaqə itib.

Bu yoxa çıxma özü ilə bir sıra əfsanələr də yaradıb. Bunlar qəza versiyası və onların Sakit okeandakı yapon hərbi bazasına eniş etməsi və əsirlikdə ölmələri ilə bağlıdır.

Harold Holt, Avstraliyanın baş naziri

Avstraliyanın baş naziri 17 dekabr 1967-ci ildə dörd nəfər dostu ilə birlikdə Çeviot çimərliyində çimməyə gedərkən yoxa çıxıb. O, yaxşı fiziki vəziyyətdə idi, sualtı ov ilə məşğul olurdu, suyun altında uzun müddət dayana bilirdi. O, nahardan öncə güclü külək və dalğa olmasına rəğmən çimməyə qərar verir. Onunla birlikdə bir dostu suya girsə də, çox uzağa getmir. Dostu onu çağırsa da, dostuna fikir verməyərək, irəliləyən Holt, bir neçə dəqiqə sonra yoxa çıxır.

Axtarışa çoxsaylı qüvvələr cəlb olunsa da, onu tapa bilmirlər. Belə bir versiya yayılır ki, onun yoxa çıxmasında Mərkəzi Kəşfiyyat İdarəsinin və Çin kəşfiyyatının əli var.

Vokrugsveta.ru

Etiketlər: aqata kristi, cimmi hoffa, itkin düşən məşhurlar, lui leprens, maykl rokfeller
Libre 02 Noyabr 2018

Son yazılar

ORTA ƏSRLƏRİN QARANLIQ ÜZÜ – TAMPLİERLƏR

Sarsılmaz fədakarlıq, qabaqcıl hərbi taktika və unikal maliyyə sistemi ilə silahlanmış məbədçilər tarixdə silinməz iz qoydular.

Androniki parodiya edən aktyorun faciəli ölümü

Məqalə Azərbaycan teatrının görkəmli komiklərindən Əbülhəsən Anaplı Məmmədov haqqındadır. Onun soyadı bəzi afişa və proqramlarda “Anaplinski” kimi də göstərilib. Əbülhəsən…

İlluminati: sirli ordenin tarixinə qısa səyahət

Lakin bu gün təkcə zəhmətkeşlərin bayramı deyil, həmçinin tarixin ən sirli, adı müxtəlif konspirasiya nəzəriyyələrində hallanan cəmiyyətlərdən biri – İlluminatinin…

Sünnət adətinin mənşəyi

Hər bir kişinin həyatında bir neçə əlamətdar hadisə olur ki, onların bəlkə də ən birincisi sünnətdir. Bəs sünnət nədir? Bu…

Lilit: Adəmin həyat yoldaşı, yoxsa şeytani tanrıça?

Lilit, Babil mətnlərində hamilə qadınlara və uşaqlara hücum edən qanadlı qadın şeytan kimi yad edilir. Bu əfsanə Babildən Anadoluya, Suriyaya,…

Önə çıxan yazılar

“Zaman səyyahı”ndan 4 aprel üçün qorxunc xəbərdarlıq

Özünü “Zaman səyyahı” adlandıran və 2671-ci ilə aid olduğunu iddia edən Eno Alarik yeni xəbərdarlıqları ilə gündəm olub. O, sentyabra…

04 Aprel 2023

“Polşa parlamenti” ifadəsinin anlamı nədir?

"Polşa parlamenti" ("Sejm walny", "Polsk riksdag" və ya "Polnischer reichstag") ifadəsi, əsasən, xaosu, qarışıqlığı, müzakirələr zamanı qərarların qəbulunun mümkün olmadığını təsvir…

17 Mart 2023

Məzəli adlarla tarixə düşən beş hərbi münaqişə

Çörək və pendir müharibəsi Bu ad altında 1491-1492-ci illərdə Şimali Hollandiyada balıqçılar və kəndlilərin çıxışları tarixə düşüb. Yerli sakinlər yüksək…

25 Fevral 2023

XX əsrin ən dağıdıcı zəlzələləri

Dünya tarixində elə zəlzələlər var ki, onların böyüklüyü və törətdiyi dağıntılar yaddaşlarda iz qoyub. Statistikaya görə, dünyada hər il təxminən…

09 Fevral 2023
  • AZ 3500, Qazax, Azərbaycan Osman Sarıvəlli küçəsi 27
  • (+99450) 366-61-86
  • info@libre.az
© Libre.az 2023. Bütün hüquqlar qorunur.
 
Welcome Back!

Sign in to your account

Lost your password?