Science Alert portalının redaktorları son illərin araşdırmalarının yekunu olaraq, dünyanın ən pis qoxularını müəyyənləşdiriblər.
Bunlar lax yumurta (hidrogen sulfidi), raffleziya Arnold çiçəyi, Durian, Vye bulon pendiri və qarışqayeyənin qoxularıdır.
Durian – pis qoxusu olan meyvədir. Bir dəfə Melburn universitetinin tələbələri yaddan çıxıb şkafda qalan bu meyvənin buraxdığı üfunət nəticəsində öz yaşayış yerlərini dəyişmişlər. Meyvədə 44 aromat birləşməsi – iylənmiş yumurta qoxusundan tutmuş karamel qoxusunadək – vardır.
Rafflésia arnóldii — bu parazit-bitki böyük çiçəyə malikdir və iylənmiş balıq və üfunətli corab iyi verir. Bununla “rəqabətə” yalnız Amorphophallus titanum girə bilər.
Fransız pendiri Vye bulon (Vieux Boulogne) ərzaq növləri arasında ən iyrənc qoxusu olanıdır. Heyvanlar arasında isə ən pis qoxulu heyvan qarışqayeyəndir (Tamandua tetradactyla). Bu qoxu onu yırtıcılardan müdafiə edir.