İngiltərənin “Daily Star” qəzeti dünyanın ən qəribə stadionlarının siyahısını hazırlayıb. Bu stadionların qəribəliyi, onların formasına, yerləşdiyi məkanlara əsasən seçilib.
8) Float @ Marina Bay Stadionu (Sinqapur)
Sinqapurdakı “Float @ Marina Bay” stadionu, meydançanın dəniz üstündə, tribunaların isə quruda yerləşməsi baxımından siyahıya daxil edilib.
7) Ottmar Hitzfeld Gspon Arena (İsveçrə)
İsveçrədəki Ottmar Hitzfeld Gspon Arena stadionu, dəniz səviyyəsindən 2000 metr üksəklikdə yerləşməsi baxımında Avropanın ən hündürdə yerləşən stadionu ünvanını qazanır və buna görə bu siyahıya daxil edilib.
6) Mmabatho Stadionu (Cənubi Afrika Respublikası)
5) Igraliste Batarija stadionu (Xorvatiya)
Bu stadion XV əsrdə tikilmiş və UNESCO dünya irs siyahısına daxil edilən bir qalanın bağçasında inşa edildiyinə görə, siyahıya girməyi bacarıb. Qeyd edək ki, bu stadion dünyaca məşhur “Taxt-tac oyunları” serialında da yer alıb.
4) Estadio Municipal de Braga (Portuqaliya)
Avro-2004 üçün inşa edilən bu stadion qayanın düz yanında yer alır və qaya parçalarının meydana düşməməsi üçün üstü məftillərlə örtülüb. Bu cəhətinə görə ən qəribə stadionlar siyahısında qərarlaşa bilib.
3) Vazdovac Stadionu (Serbiya)
Bu stadionun siyahıda yer almasının səbəbi küçədən 24 metr yüksəklikdə, bir damın üstündə inşa edilməsidir.
2) Estadio Hernando Siles (Boliviya)
Bu stadion dəniz səviyyəsindən 3640 metr yüksəklikdə yerləşməklə dünyanın ən hündürdə yerləşən stadionu ünvanına malikdir.
1) Bitci Timsah Park (Türkiyə)
Türkiyənin “Bursaspor” klubunun ev oyunlarını keçirdiyi, ‘Timsah Arena” adı ilə bilinən və yaxın keçmişdə adı “Bitci Timsah Park” olaraq dəyişdirilən stadion dünyada ən qəribə stadionlar siyahısında birinci yeri tutub. Səbəb isə stadionun dizaynının klubun emblemi olan timsah formasında hazırlanmasıdır.
