Gəlin və bəyin üstünə zir-zibil atmaq – ŞOTLANDİYA
Şotlandiyada qəribə toy adəti var. Belə ki, toydan bir neçə gün əvvəl yaxınlar, qohum-əqrəba, dostlar gəlinin üstünə əllərinə keçən hər cür zir-zibil atırlar. Bu, iylənmiş yumurtadan tutmuş, əllə tutula biləcək ən iyrənc zibillər ola bilər.
Gəlini (və bəyi) öpmək – İSVEÇ
Adətə görə, toyda gəlin və bəy bir-birinin yanından aralanarsa, bu zaman evli olmayan qonaqlardan kimsə onlardan hər hansı birinin (gəlini kişi qonaq, bəyi isə qadın qonaqlardan kimsə) yanağından və ya dodağından öpə bilər. Bu vaxt etiraz və qonağı təhqir etmək olmaz.
Ayağın altına vurmaq – CƏNUBİ KOREYA
Əgər Cənubi Koreyada toydasızsa və ayaqyalın bəy görürsüzsə, heç də təəccüblənməyin. Bu, onların adətlərindən dolayı belədir. Belə ki, toyun sonlarına yaxın, bəyin dostları bəyin ayağının altına quru korvina balığı, olmazsa, çubuq və ya kəndirlə vururlar. Zərbələr həqiqi olmur, sadəcə imitasiyadır.
Təhqirdən sevgiyə – CƏNUBİ AFRİKA RESPUBLİKASI
Cənubi Afrika Respublikasının bəzi bölgələrində çox qəribə toy adəti var. Belə ki, bəy və gəlin tərəfi bir-birinə ad qoyma yarışına girir. Bu yarış zamanı onlar bir-birilərinə qarşı dəhşətli təhqirlər yağdırır. Kənardan baxanlarda elə təəssürat yaranır ki, sanki tərəflər bir-biriləriylə dava edir. Lakin bu, bir ritualdır.
Sinxron ağlaşma – ÇİN
Çinin Tucia əyalətində qəribə sayıla biləcək bir adət mövcuddur. Belə ki, gəlin toya bir neçə həftə qalmış daha çox və daha yüksəkdən qışqırıb-ağlamaq üçün məşq edir, ilk gün bir saat, növbəti günlərdə isə artan silsilə ilə davam edir bu proses…Toy günü gəlin daha çox ağlamalıdır və ona anası, bacısı (bacıları), xalası və başqaları da qoşulmalıdır. Kim daha bərk qışqıra-qışqıra ağlayırsa, onun ailə həyatının uğurlu olacağına inanılır.
Böyük, kök Mavritaniya toyu – MAVRİTANİYA
Mavritaniyada qadınlar evlənənə qədər kökəlməli idi. Onlar sanki bəhsə girirmiş kimi, çoxlu yeyir və daha kök olmağa çalışırdılar. Bu “mübahisə” Leblouh adlanırdı. Artıq bu adət itsə də, zamanında çox populyar idi.