“Ölkəmi tərk edəndə hər şey çox gözəl idi. İnsanlar xoşbəxt şəkildə yaşayırdı. Amma geri qayıdanda artıq hər şey dəyişmişdi. Şimal və cənub müharibə şəraitindəydi. Onda özümə suallar verməyə başladım”- Fil Dişi Sahilində etnik zəmində vətəndaş müharibəsi yaşanan vaxt məsuliyyəti üzərinə götürən Didye Droqba o dövrü belə xatırlayır.
Dünya futbolunda öz sözünü demiş hücumçunun ölkəsində dəyişiklik etməsi 8 oktyabr 2005-ci ildə baş verib.
Fil Dişi Sahili həmin tarixdə DÇ-2006-nın seçmə mərhələsi çərçivəsində Sudanı məğlub edərək, tarixində ilk dəfə mundiala vəsiqə qazanır. “Fillər”in kapitanı oyundan sonra heç kimin cəsarət edə bilmədiyi bir addım atdı. Soyunub-geyinmə otağında yerli tv-lər canlı yayımda olan vaxt komanda yoldaşlarının önündə mikrafonu əlinə aldı və…
“Xanımlar və cənablar, Fil Dişi Sahilinin şimalındakılar, cənubundakılar, mərkəzindəkilər, qərbdəkilər… Biz bu gün bütün xalqın bir arada var ola biləcəyini, tək bir məqsəd uğruna futbol oynaya biləcəyini göstərdik. Qələbə sevincini qeyd etmənin birlikdə mümkün ola biləcəyini göstərdik. Sizə diz çöküb yalvarırıq… Bağışlayın! Ba-ğış-la-yın! Afrikada bu qədər zənglinliklərə sahib bir ölkə müharibəyə getməməlidir. Silahlarınızı yerə qoyun. Seçkilərə gedin”.
Daha sonra isə komanda yoldaşları ilə birlikdə
“Əylənmək istəyirik,
Silahı yerə qoyun,
Futbol oynamaq istəyirik,
Silahı yerə qoyun,
Mali xalqı yoxdur, Bete xalqı yoxdur, Dioula xalqı yoxdur, silahlar var,
Bunu bir daha yaşamaq istəmirik.
Biz yad düşmən deyiliik
Biz xoş niyyətliyik
Bu müharibəni istəmirik
Bunu bir daha yaşamaq istəmirik”
Sözləri altında rəqs etdilər.
Daha sonra bu rəqs Drqobanın adı ilə birlikdə “sülh rəqsi” olaraq anılmağa başladı. Droqbanın bu sözlərindən sonra ölkə prezidenti güvəndəydi. Amma ölkənin hər yerində hələ mərmilər danışırdı. Droqba daha sakit bir ortamda futbol oynamaq istəyirdi: “Oyundan sonra qulağıma sanki kimsə bu mesajı xalqa çatdırmağın ən doğru vaxt olduğunu bildirdi”.
1960-cı ildə Fransanın əsarətindən çıxan Fil Dişi Sahilində Droqbanın rəqsi böyük əks-səda doğurdu. Amma məşhur futbolçu 20 milyonluq ölkəsində sülhü bərqərar etmək üçün rəqs etməklə kifayətlənmədi.
Həmin dövr ölkəyə rəhbərlik Lauren Qbaqonun sarayında təşkil edilən yeməkdə də mikrafon arxasına keçdi. O, Qbaqoya milli komandanı üsyançıların olduğu yerə aparacağına və buna görə ona dəstək olmağını istədi.
Daha sonra isə təkbaşına paytaxt Abican və döyüşən üsyançıların əlində olan Boakeyə getdi. O dövrlər heç kimin girə bilmədiyi bölgədə qəhərman kimi qarşılandı və “bu hələ başlanğıcdı. İyunda bura milli komandanı gətirəcəm” dedi.
Sözünün üstündə duran Droqba vətəndaş müharibəsi səbəbindən tərk edilən Boake şəhər stadionunda Fil Dişi Sahili ilə Madaqaskar arasında oyun təşkil etdi. Həmin görüşdə bir qol vuran Droqba sülhü gətirmişdi.
O dövr müxaliflərin lideri və sonradan isə ölkənin baş naziri olacaq Qiyem Solo isə Droqbaya təşəkkür etdi. “Droqba insanların qorxduğu yerə milli komandanı gətirdi. Əslində bura sülhü gətirdi. Bu gün burada yenidən birləşməyi qeyd edirik. Təşəkkürlər, Droqba”.
Həm Abicandakılar, həm də Boakedəkilər sülhün və yenidən birləşmənin məhz bu oyundan sonra reallaşdığını deyir.
Ölkəsində istədiyi vaxt prezident ola biləcək nüfuzda olan Droqba heç vaxt siyasətə girişməyəcəyini bildirib. Amma doğru olduğuna inandığı bir həqiqəti də söyləməkdən heç vaxt çəkinməyəcəyini də deyir.