Amerikanın həftəlik “Time” jurnalı bütün dövrlərin 10 ən varlı adamını elan edib.
1. Mansa Musa
Mansa Musa haqqında saytımızda əvvəllər geniş material yayımlamışıq və bizə artıq onun tarixdə ən varlı adam olması faktı məlumdur.
Onun varidatının həcmi barədə danışarkən, bəzi mənbələr qeyd edir ki, Məkkə ziyarəti (1324-cü il) zamanı onu 60 min (“Tarix-əs Sudan” xronikasına əsasən) və ya 80 min (“Tarix-əl Fəttaş” xronikasına görə) insan müşayiət edib.
Onun ordusu 200 min döyüşçüdən, o cümlədən 40 min ox atandan ibarət idi ki, bu rəqəm hazırki super dövlətlərin ordularından çoxdur.
2. İmperator Oktavian Avqust
Siyahıda ikinci yeri Roma imperiyasının banisi Oktavian Avqust tutur. Stenford Universitetinin professoru Yan Morrisin sözlərinə görə, o, nəinki dünya iqtisadiyyatının 25-30%-nə sahib olan Roma imperiyasının rəhbəri idi, həmçinin o, böyük varidata – imperiya iqtisadiyyatının 1/5-i qədər varidata sahib idi. 2014-cü ildə onun varidatının həcmi hazırki rəqəmlərlə 4.6 trilyon dollar təşkil edirdi.
3. İmperator Şen-Szun
Siyahının üçüncü pilləsində Çin imperatoru Şen-Szun durur. O dövrdə Çin dünya ÜDM-nun 30%-nə sahib idi. Onun dövründə iqtisadiyyatda texnoloji innovasiyalar tətbiq olunmuş, vergi sistemi mütərəqqi forma daşımışdır.
4. I Böyük Əkbər
Böyük Moğol İmperiyasının başçısı olan I Əkbərin dövründə Hindistanın iqtisadi gücü, hətta Yelizaveta İngiltərəsindən də üstün idi.
5. İosif Stalin
Stalin haqqında uzun-uzadı danışmağa ehtiyac yoxdur. Dünyanın ən böyük ölkəsinin lideri, eyni zamanda tarixə ən dəhşətli diktatorlardan biri kimi düşüb. Bundan başqa, təəccüblü də olsa, o, bütün dövrlərin 10 ən varlı adamı siyahısının beşinci pilləsində qərar tutur.
Alabama Universitetinin tarix professoru Corc O.Liber (George O. Liber) deyir: “Stalin dövlət idi və dövlət də onunku idi…Koba planetin 1/6-nin şəriksiz sahibi idi…” Bu, o demək deyil ki, onun kassasında və ya sandığında milyardlar vardı. Dünyanın ən böyük dövlətinin iqtisadiyyatına təkbaşına nəzarət etmək ona bu statusu vermişdi.
6. Endryu Karneqi
Qəribə də olsa, ABŞ-da bütün dövrlərin ən varlı adamı, “neft kralı” olmayan Endryu Karneqi idi. Şotlandiyalı immiqrant 1901-ci ildə öz U.S. Steel şirkətini 480 milyon dollara satmışdı ki, bu rəqəm 2014-cü il hesablamaları ilə 372 milyard dollar civarında idi.
7. Con D.Rokfeller
Yeddinci yerdə Standard Oil şirkətinin banisi Con Rokfeller dayanır. 1918-ci ildə onun varidatı 1.5 milyard dollar – keçən ilki kursla isə 341 milyard dollar təşkil edirdi
8. Alen Rufus (kürən Alen)
“Time”jurnalı səkkizinci yerə Breton cəngavəri Kürən Aleni çıxardır. 1093-cü ildə ölümü zamanı onun varidatı 11 min funt-sterlinq – 2014-cü ildəki kursla 194 milyard dollar idi.
9. Bill Qeyts
“Forbes” jurnalına görə, onun varidatının həcmi 78.9 milyard dollardır.
10. Çingiz xan
Siyahının onuncu pilləsində Monqol imperiyasının banisi Çingiz xan dayanır. Onun dövründə monqol imperiyası Çindən Avropayadək böyük bir ərazini əhatə edirdi.
“Onun uğurlarının səbəblərindən biri də o idi ki, Çingiz xan əldə olunan qənimətləri sərkərdələri və sıravi döyüşçülər arasında bölüşdürürdü.” – Nyu-York şəhər Universiteti yanında Kuins Kollecinin professoru Morris Rossabi qeyd edir. Bir ərazinin işğalından sonra xüsusi məmurlar bütün mülklərin inventarizasiyasını aparır, daha sonra isə qənimət hər kəs arasında bölüşdürülürdü…
“Çingiz xan və müasir dünyanın doğuşu”(Genghis Khan and the Making of the Modern World) kitabının müəllifi Cek Uezerford (Jack Weatherford) yazır: “O, nə özü, nə də ailəsi üçün saray ucaltdı, heç bir məbəd, sərdabə və ya ev də tikdirmədi. O, yurtda doğuldu və orda da öldü. Adi monqollar kimi kəfənə bükülərək, dəfn edildi…
