Brüssel şəhər appelyasiya məhkəməsinin qərarına görə keçmiş kral atalıq DNT testi verəcək. Buna səbəb belçikalı rəssam Delfina Boelin (Delphine Boël) təkrar olaraq məhkəməyə müraciət etməsi olub. Belə ki, keçmiş monarx özünün nikahdankənar qızı olan Delfinanı qızı kimi tanımaqdan imtina etmişdi.
Delfina Boel ilk dəfə 2013-cü ildə bu iddia ilə çıxış edib. Lakin kral əlində olan hüquqi imkanlardan istifadə etməklə bunun qarşısını ala bilmişdi. Həmən sonra o, oğlu Filippi öz varisi elan etmişdi.
2018-ci ilin noyabrında məhkəmə keçmiş krala üç həftə ərzində DNT analizindən keçməyi tələb etmiş, iki həftə öncə isə, hər gün üçün beş min avro cərimə yazılması qərara alınmışdı.
DNT analizi keçmiş monarxın atalıq statusunu təsdiq etsə, bu, o demək olacaq ki, Delfina Boel taxt-taca iddia edə bilər.
Delfina Boelin anası baronessa Sibill de Selis Lonqşa, hüquqi atası isə Belçikanın ən tanınmış sənayeçilərindən olan Jak Boel olub. Deyilənə görə, 1960-cı illərdə anası ilə o vaxt hələ şahzadə olan Albert arasında eşq macəraları yaşanmışdı.
