Filantroplar – ehtiyacı olanlara kömək məqsədilə fəaliyyət göstərən insanlardır.
Məşhur amerikan filantropu Endryu Karnegi (Andrew Carnegie) deyib: “Əvvəlcə başqalarını zəngin etməyən kəs zəngin ola bilməz.”
20. Ditmar Hopp (Dietmar Hopp)
Məşhur proqram təminatı şirkətlərindən biri olan SAP-ın həmtəsisçisi olan Hopp, öz varidatının 1 milyard dollarını öz yaşadığı şəhərdə təhsilin, idmanın və səhiyyənin inkişafına xərcləyib. Onun ümumi varidatı 6.3 milyard dollar həcmindədir.
19. Pyer Omidyar (Pierre Omidyar)
İran-fransız kökənli amerikan sahibkar P.Omidyar eBay-ın həmtəsisçisi və hazırkı rəhbəridir. O, 1998-ci ildə öz həyat yoldaşı ilə birlikdə Omidyar Fondunu təsis edib. Bu qurum bir sıra sahələrdə (sahibkarlıq, ərzaq, texnologiya və enerji) xeyriyyəçilik işləri görür. O da 1milyard dollara yaxın xeyriyyəçilik işləri həyata keçirib.
18. Maykl Dell (Michael Dell)
“Dell” kompüter şirkətinin rəhbəri M.Dell, sosial, humanitar sahələrə, elm, mədəniyyət, incəsənət və icma quruculuğuna pul xərcləməyi sevir. “Wealth-X”in məlumatına görə, o, indiyədək 1.1 milyard dollar həcmində ianə edib. O, Texasın Austin şəhərində 211 çarpayılıq hospital tikintisi üçün 25 milyon dollar verəcəyini vəd edir.
17. Ceyms Simons (James Simons)
“Renaissance Technologies”in sahibi olan 65 milyard dollar sərvətə malik C.Simons, yardımsevərliyi ilə tanınır və həyat yoldaşı Merilin ilə Simons Fondu təsis edərək, daha çox təhsil sahəsinə yatırımlar edir. Bundan başqa, onlar 1996 və 2003-cü illərdə vəfat etmiş oğullarının xatirəsinə daha iki şirkət – Paul Simons Foundation və Nick Simons Foundation‘u təsis etmişlər.
Onlar indiyədək 1.2 milyard həcmində xeyriyyəçilik işləri görüblər.
16. Ted Törner (Ted Turner)
Tedd, CNN-nin yaradıcısı və rəhbəridir. 1997-ci ildə o, Birləşmiş Millətlər Təşkilatına uşaq və qadınların sağlamlığı, ətraf mühitin qorunması, dünyada sülhün və təhlükəsizliyin bərqərar olunması üçün 1 miyard dollar yardım etmişdir. Ümumiyyətlə, onun yardımlarının həcmi 1.2 milyard dollardan çoxdur.
15. Con Hantsman SR. (Jon Huntsman SR.)
O, ABŞ-da ən böyük polistiren zavodu olan “Huntsman Chemical Corporation”un təsisçisidir. Yardım etdiyi əsas sahə xərçəng xəstəliyi araşdırmalarıdır. (1.2 milyard dollar)
14. Li-Ka Şinq (Li-Ka Shing)
Asiyanın ən varlı adamlarından biri olan Li-Ka Şinq Hong Konglu iş adamı və biznes maqnatıdır. O, sahibi olduğu “Li-Ka Shing Foundation” vasitəsilə elm, mədəniyyət, sağlamlıq və icma əlaqələrinin inkişafı üçün 1.2 milyard dollar həcmində yardım edib.
13. Mark Zukerberq (Mark Zuckerberg)
Ən gənc milyarder xeyriyyəçilərdən biri olan və “Facebook”un sahibi Mark, öz varidatının ən azı yarısının xeyriyyəçilik məqsədilə xərcləyəcəyini bildirir. O, artıq 1.6 milyard dollar həcmində ianə etmişdir. Keçən il o və həyat yoldaşı Priscilla ebola virusu ilə mübarizə məqsədilə 25 milyon dollar məbləğində pul ayırıb.
12. Pol Allen (Paul Allen)
O, Bill Qeytslə birlikdə Microsoft’un təsisçisidir. İndi isə öz şirkəti olan “Vulcan” vasitəsilə milyonlarla dollar məbləğində yardımlar edir. “The Paul G.Allen Foundation”in də sahibi olan Pol, bu günədək 2 milyard dollar ianə edib.
11. Maykl Blumberq (Michael Bloomberg)
Bloomberg Media’nın təsisçisi və rəhbəri, Nyu York şəhərinin keçmiş meri və Bloomberg Foundation’un rəhbəri olan Maykl, Con Hopkins Universitetinə, “The World Lung Foundation”a, Dünya Səhiyyə Təşkilatına, “Sierra Club Foundation”a və Con Hopkins Blumberq İctimai Səhiyyə Məktəbinə cəmi 3 milyard dollar yardım edib.
10. Corc Keyser (George Kaiser)
BOK Maliyyə Korporasiyasının rəhbəri olan C.Keyser, eyni zamanda, “George Kaiser Family Foundation”un sahibidir. Bu fond vasitəsilə elm, sağlamlıq, dini, sosial icmalara, eləcə də, icma münasibətlərinin inkişafı üçün ianələr edir. İndiyədək etdiyi ianələrinin həcmi 3.3 milyard dollardır.
9. Eli Broud (Eli Broad)
Sahibi olduğu iki fond (“Eli and Edythe Broad Foundation” və “The Broad Art Foundation”) vasitəsilə 3.3 milyard dollar həcmində ianələr edib.
8. Karlos Slim Helu (Carlos Slim Helu)
Dünyanın ən varlı adamlarından biri olan Karlos, indiyədək sahibi olduğu müxtəlif fondlar vasitəsilə 4 milyard dollar həcmində ianə edib.
7. Qordon Mur (Gordon Moore)
İntel’in təsisçisi olan Qordon, öz həyat yoldaşı ilə birlikdə onlara bağlı “Gordon and Betty Moore Foundation” vasitəsilə elm, ətraf mühitin mühafizəsi üçün 5 milyard dollar həcmində ianələr edib.
6. Süleyman Bin Əbdül Əziz əl Raci (Sulaiman Bin Abdul Aziz Al-Rajhi)
O, üç qardaşı ilə birlikdə 1957-ci ildə Əl-Raci Bankının əsasını qoyub. Bu ailə Səudiyyə Ərəbistanında kral ailəsindən olmayan ən varlı ailədir. İndiyədək onun 5.7 milyard dollar həcmində ianə etdiyi məlumdur.
5. Çarlz Frensis Fini (Charles Francis Feeney)
Onu çox vaxt “Filantropiyanın Ceyms Bondu” adlandırırlar. O, “Duty Free Shoppers Group”un təsisçisidir. İndiyədək, həmçinin ABŞ, Vytenma və Bermudada, 6.3 milyard dollar həcmində təhsil, elm, sağlamlıq, vətəndaş hüquqları sahələrinə ianə edib.
4. Əzim Premci (Azim Premji)
Hindistan sənaye maqnatı, səhmdarı və “Wipro” Limited”in sahibi indiyədək 8 milyard dollar həcmində ianə edib.
3. Corc Soros (George Soros)
Macar yəhudisi olan Soros, özünə bağlı fond vasitəsilə təhsil, sağlamlıq, icmanın inkişafı sahələrinə 8 milyard dollar ianə etmişdir.
2. Uorren Baffit (Warren Buffit)
Dünyanın ən varlı şəxslərindən biri olan U.Baffit, indiyədək 21.5 milyard dollar həcmində ianə edib. 2006-cı ildə o, öz varidatının 85%-ni “Bill and Melinda Gates Foundation” və digər fondlara bəxş etmişdir.
1. Bill Qeyts (Bill Gates)
Dünyanın da ən varlı şəxslərindən olan “Microsoft”un sahibi Bill Qeyts həyatı boyunca 27 milyard dollar həcmində ianələr edib. O, vaxtının böyük hissəsini “Bill and Melinda Gates Foundation”un çətiri altında filantrop fəaliyyətlə keçirir.
