Yeni tədris ilindən etibarən dərs saatlarında məktəblilərə smartfonlardan istifadə etmək qadağan olunacaq. Yeni qanuna görə, məktəblilər dərs saatlarında smartfonlardan istifadə edə bilməyəcəklər, onu ya evdə qoymalı olacaq, yaxud da müəllimə verəcəklər. Bu qadağa tənəffüslər və məktəb naharı zamanı da qüvvədə olacaq.
Qeyd edək ki, buna oxşar qanun 2010-cu ildə də qəbul olunmuşdu. O qanuna görə, şagirdlər smartfonlarını öz çantalarında, sönülü şəkildə gəzdirə bilərdilər. Lakin qanun tutmadı. Tənqidçilər bu qanunun da yetərincə tutacağına şübhə ilə baxırlar. Qanunun 15 yaşdan kiçik şagirdlərə şamil olduğu qeyd olunur. 15 yaşdan böyük şagirdlər isə məktəb rəhbərliyinin icazəsi ilə smartfonlardan istifadə edə biləcəklər.
Qeyd edək ki, fransız məktəblilərin 90%-i smartfonlardan istifadə edir. Hər keçən gün bu tip smartfonların uşaqların psixikasına və emosional durumuna mənfi təsir etdiyi qeyd olunur.
