Almaniyanın Köln şəhərinin mərkəzində, protestant kilsəsinin ərazisində II əsrə aid qədim ictimai kitabxananın qalıqları aşkar olunub. Hökumət qədim kitabxananın qalıqlarını ictimaiyyət üçün açıq etməyə hazırlaşır.
Qeyd edək ki, Köln bizim eranın 50-ci ilində əsası qoyulmuş Qədim Roma şəhəri olmuş və ilk vaxtlar “Klavdinin Koloniyası və Aqrippilərin Altarı” (Colonia Claudia Ara Agrippinensium) adlanmışdır. Orta əsrlərdə şəhərə qısaldılmış şəkildə “Koloniya” deyirdilər.
Qalıqlar arasında arxeoloqlar 80*50 sm ölçüsündə oyuqlar aşkar etmişlər, hansı ki, burada lülə şəklində bükülmüş kağızlar saxlanılırdı. Belə bir şey 114-117-ci illərə aid Efesdəki Sels kitabxanasında da mövcud olub. Alimlər qeyd edir ki, burada 20 mindən çox kağız (Efesdəkindən çox) saxlanılırmış.
