Əgər siz İtaliyanı, onun bütün şəhərlərini gəzib dolanırsızsa, İtaliya Rivierasının gözəlliklərindən həzz almalısız. Bunun üçün İtaliyanın sehrli guşəsinə, 5 torpaq adlanan yerə – orta əsrlər abidəsi olan Çinkve-Terreyə səyahət etməlisiz. Buraya bəzən “beş muncuq dənəsi” də deyilir. Məkanın bir tərəfi qayalarla, bir tərəfi isə Genuya körfəzinin suları ilə əhatələnir.
Çinkve-Terre Liquriyada yerləşməklə, 5 min nəfər əhalisi var. 1997-ci ildə bura YUNESKO-nun mühafizəsi altına alınmış, 1999-cu ildə isə rəsmən İtaliyanın ilk və ən kiçik milli parkı kimi tanınmışdır.(14.9 м2) Bu əraziyə Riomacore, Manarola, Kornilya, Vernazza və Monterosso şəhərləri daxildir.
Çinkve-Terreyə getmək üçün 2 yol var: biri su vasitəsilə – gəmi ilə və ya qatarla…Avtomobillərin bura daxil olması neçə illərdir ki, qadağan olunub. Şəhərlər arasında isə piyada səyahət etmək lazımdır.
Evlərini tez-tez təmir etmək həvəskarı olanlar həyəcanlamaya bilər: burada şəhərlərdəki evlərin ilkin görünüşünü dəyişdirməyə yönəlik istənilən addım həbslə nəticələnə bilər.
Çinkve-Terrenin öz yerli istehsal şərabı da var və “Şyaketra” (Sciacchetrà) adlanır. Üzümdən hazırlanmış şərab qəhvəyi rəngə çalır.İstənilən restoranda dəniz məhsulları, xüsusilə ançous verilir.
Küçələrdə yarıvəhşi pişiklərə çox rast gələ bilərsiz. Ev pişikləri isə bütün balıq mağazalarında olur.
5 şəhərin dördündə kiçik evlər qayalıqdan dəniz kənarınadək xətt üzrə düzülmüş muncuqları xatırladır. Bircə Kornilya şəhərində evlər yalnız yüksəklikdədir və onların dənizə çıxışı yoxdur.
Buralar nə qədər gözəl olsa da, ideal çimərlik üçün yer tapmaq çətindir. Təkcə ən qədim şəhər olan Monterosso-al-Maredə (e.ə. 643-cü ildə əsası qoyulub) qəşəng çimərlik tapmaq mümkündür.
İstirahət üçün ən ideal yer isə Riomacoredir. Bura dayvinq, balıq tutmaq və kayakinq üçün əla yerdir.
Turistlər üçün ən xoşagələn yerlərdən biri də Manarola və Riomacore şəhərləri arasında, qayalıqlarda çəkilmiş Sentyerro-Azurro yoludur.
2011-ci ildə bura üçün xas olmayan 1 saatdan çox yağış yağması nəticəsində Varnazzo və Monterosso şəhərləri, demək olar ki, dağıldı.
Çinkve-Terredə hava proqnozu ilə bağlı xəbərlər tez-tez verilir. Çünki güclü yağış yolların bağlanmasına və park ərazisinin 75%-nin daşqından zərər görməsinə səbəb ola bilir.
