Yadplanetliləri öyrənən alimlərin sonunun necə olduğu haqqında heç bilirsinizmi? Bilmirsinizsə, buyurun, bu materialı oxuyun.
Ən geniş yayılmış iddialardan birinə görə yadplanetlilərlə bağlı araşdırma ilə məşğul olan alimlər müəmmalı şəkildə dünyalarını dəyişirlər. UNO sahəsində araşdırma aparan bir çox alimlərin – ufoloqların taleyinə nəzər saldıqda həqiqətən təəccüblənməmək olmur.
İlk belə halın 1986-cı ildə baş verdiyi deyilir. Belə ki, həmin ilin oktyabr ayında uçan naməlum obyektlərin araşdırılması ilə məşğul olan professor Arşad Şarif müəmmalı şəkildə “intihar” edib. Lakin onun intihar etmək üçün yaşadığı yerdən 100 kilometr uzağa getməsinin səbəblərini heç kim müəyyənləşdirə bilməyib. Həmin hadisədən cəmi bir neçə gün sonra Londonda eyni işlə məşğul olan daha bir professor – Vimal Dazibay da təxminən 100 kilometr məsafə qət edərək, özünü Bristol körpüsündən atıb.
Araşdırmalar göstərib ki, bu müəmmalı ölümlər sonrakı illərdə də davam edib. Xüsusilə 1987-ci ildə azı 8 alimin öldüyü bildirilir.
1987-ci ilin yanvarında Avtar Sinq-Qida itkin düşüb və sonda onun öldüyü elan edilib. Həmin ilin fevralında Piter Pippel özünə məxsus qarajda avtomobilin içərisində dünyasını dəyişib. Martda Devid Sends avtomobilini yüksək sürətlə kafe binasına çırparaq, “intihar edib”. Aprel ayı isə bu baxımdan “məhsuldar” olub. Belə ki, bu ayda Mark Vizer özünü asıb, Styuart Qudinq qətlə yetirilib, Devid Qrinhalq körpüdən yıxılaraq ölüb, Şani Uoren suda boğularaq ölüb. May ayında isə Maykl Beyker yol qəzasında dünyasını dəyişib.
Ümumilikdə, UNO sahəsində araşdırma aparan və müəmmalı şəkildə dünyasını dəyişən alimlərin sayının azı 25 olduğu iddia olunur. Görəsən bu həqiqətən reallıqdır, yoxsa təsadüf?
