Lijar-Fransa müharibəsi
1883-cü ildə İspaniya kralı XII Alfonso Parisə səfər edən zaman fransızların təhqirinə və həttar bir neçə dəfə hücumuna məruz qalmışdı. Bu xəbər İspaniyanın cənubunda kiçik bir qəsəbə olan Lijara çatdıqda qəsəbənin bələdiyyə sədri Don Migel Qarsiya Saez Fransaya müharibə elan edir. 14 oktyabr 1883-cü ildə başlayan “müharibə” 1976-cı ildə İspaniya kralı Xuan Karlosun Paris səfəri zamanı hörmətlə qarşılanması ilə sona çatdı və 1981-ci ildə rəsmi olaraq Lijar əhalisi müharibənin bitdiyini açıqladılar.
Palıd vedrəsi müharibəsi
1325-ci ildə Modena şəhərindən olan əsgərlər Bolonya şəhərinə hücum edirlər və bir palıd vedrəni aparırlar. Bolonya əhalisi bunu şərəf məsələsi hesab edərək müharibəyə başladılar. 12 il davam edən müharibə boyunca Bolonyalılar vedrəni qaytara bilmədilər. Vedrə hələ də Modenada zəng qülləsində saxlanılır.
Paraqvay müharibəsi
Paraqvay prezidenti Fransisko Solano Lopez Napoleon Bonaprtın fanatı idi. Lopez yaxşı hərbçi və taktiki dahi hesab edilirdi. Ancaq Napoleondan bir fərqi vardı, Lopez müharibədə olmamışdı. Bu əksikliyi aradan götürmək üçün arada heç bir səbəb yoxkən 1864-cü ildə 3 qonşu dövlətə eyni vaxtda müharibə elan etdi. 6 il davam edən müharibədə Paraqvayın kişi əhalisinin 90%-i həlak oldu və az qala Paraqvay dövlət kimi yox olacaqdı.
Başıboş it müharibəsi
1925-ci ildə Yunanıstan və Bolqarıstanın münasibətləri yaxşı deyildi. I Dünya Müharibəsində düşmən idilər. Sərhəddin Petriç adlı məntəqəsində baş verən qəribə hadisə müharibəyə səbəb oldu. 1925-ci ilin 22 oktyabr tarixində bir yunan əsgəri Bolqarıstan tərəfinə keçən bir itin bolqar əsgərlər tərəfindən vurulduğunu görür. Yunanlar itin qisasını almaq üçün Petriçə hücum edirlər və artıq səhəri gün bölgə tamamilə yunanların nəzarətinə keçir. Ancaq 10 gün sonra Millətlər Cəmiyyəti bölgəyə müdaxilə edir. Yunanıstan geri çəkilir və 40 min funt cərimə ödəyir.
Arustuk müharibəsi
Meyn sərhəddində Britaniya və ABŞ arasında yaşanan gərginlik 11 ay davam edən müharibəyə səbəb oldu. 1812-ci ildə Britaniya Meynin şərqini işğal etdi, əsgər saxlamamasına baxmayaraq bölgənin özünə aid olduğunu elan etdi. 1838-ci ildə ABŞ-lı odunçular Meynedə ağac kəsməyə başladıqda İngiltərə bölgəyə əsgər göndərdi və müharibə başlandı. 11 ay sonra isə sülh müqaviləsi imzalandı və İngiltərə Meyni ABŞ-a güzəştə getdi.
Donuz müharibəsi
Bir ingilis əsgər İngiltərə-ABŞ sərhəddə ABŞ tərəfdə olan bir donuzu güllə ilə vurduğuna görə müharibə başlayıb. 1859-cu ilin iyununda başlayan müharibə 4 ay davam etdi. Müharibə İngiltərənin üzr istəməsilə başa çatdı.
335 illik müharibə
1651-ci ildə Hollandiya ilə İngiltərənin cənub qərbində yerləşən Scilly Adaları arasında başlayan müharibə zaman keçdikcə unudulur. Yalnız 1986-cı ildə müharibə yada düşdü və sülh müqaviləsi imzalandı.
Futbol müharibəsi
1969-cu ildə Salvadov və Honduras milli futbol yığmaları arasında futbol maçını Salvador uduzdu və ardınca Hondurasa müharibə elan edildi. 4 gün davam edən müharibə ABŞ-ın vasitəçiliyi ilə başa çatdı.
Moldaviya-Dnestryanı müharibəsi
SSRİ-nin dağılması ilə Moldova xalqı daxilində də parçalanma baş verdi. Rusiyayla müttəfiq qalmaq istəyənlər və Rumıniyayla yaxınlaşmaq istəyənlər arasında müharibə başladı. Bu müharibənin qəribə cəhəti o idi ki, hər iki tərəfin əsgərləri gündüz bir birləri ilə döyüşür, gecə isə neytral bölgədə birlikdə içib əylənirdilər.
Dəvəquşu müharibəsi
Siyahının ən maraqlı müharibəsi insanlar arasında deyil, insanlarla dəvəquşuları arasında baş verib. 1932-ci ildə Avstraliyada dəvəquşu sayı sürətlə artdı və kənd təsərrüfatına zərər verməyə başladılar. Hökumət dəvəquşulara qarşı rəsmən müharibəyə başladı. 7 gün davam edən müharibədə 2500 dəvəquşu öldürüldü.
