“Ehtiyatda olduğum 70 dəqiqə ərzində skamyada oturan komanda yoldaşlarımla bunu sezmişdik. Perutsi meydanda baş verənləri qapıdan çıxıb çox irəlidə izləyirdi. Onlara “oyuna girsəm, ilk fürsətdə topu onun başı üzərindən aşıracam” demişdim.”
Lars Rikken, 1997…
Futbolçu 1997-ci ildə Çempionlar Liqasının finalında Dortmund “Borussiya”sı “Yuventus”la görüşdə hesabda 2:1 irəlidə olan vaxt 70-ci dəqiqədə meydana daxil olub və cəmi 10 saniyə sonra 25-30 metrdən Perutsinin başı üzərindən topu tora qovuşdurmuşdu. Münhenin Olimpiya Stadionunda qazanılan bu zəfər “arılar”ın ilk və tək avrokubokudur.
