Butan
Butan məktəbliləri məktəbə milli geyimdə gedirlər. Bu dress-kod bütün ölkə əhalisi tərəfindən qəbul olunub. “Qxo” adlanan kişi xalatın ətəyi ön hissədən qatlanır və bu, böyük cibi xatırladır. Burada həmçinin dərs kitablarını da daşımaq mümkündür.
Туркменистан
Türkmənistan prezidentinin sözlərinə görə, təlim-tərbiyə işində ilk növbədə milli dəyərlərə önəm vermək lazımdır. Məktəbli forması da bu dəyərlər əsasında hazırlanıb. Geyim forması qızlar üçün ənənəvi uzun və naxışlı, yaşıl dondan, araqçından ibarətdir. Qızlar mütləq iki hörük saxlamalı və buna qara lent bağlamalıdırlar. Oğlanlar üçün isə əsas araqçındır. Onlar bunu böyük qürürla, sanki tac kimi gəzdirirlər.
Cənubi Koreya
Bu gün məktəblilər üçün vahid uniformanın tələb olunmamasına baxmayaraq, 90% məktəbli bu formanı böyük məmnuniyyətlə geyir. Geyim isə sadədir: ağ köynək, qalstuk, bleyzer jaket, oğlanlar üçün şalvar, qızlar üçün isə yubka. Məktəbli forması – kyobok, ölkədə təxminən moda ilə sinonim təşkil edir. Onu nəinki məktəblilər, hətta yuxarı yaşda olanlar, hətta gənc auditoriyanı cəlb etmək istəyən modellər və müğənnilər də geyirlər.
Vyetnam
Məktəblilər klassik Vyetnam geyimlərinə üstünlük verir. Şəkildən də göründüyü kimi, uzun ağ don-köynək, konusvari şlyapa. Yuxarı sinif şagirdləri isə “aozay” adlı ağ milli kostyum geyir. Mekonq deltasında isə bu formadan xüsusi, əlamətdar günlərdə və tədbirlərdə istifadə olunur.
Kuba
Kubada məktəbli forması yaşa görə ciddi şəkildə tələb olunur. Yuxarı siniflər üçün mavi üst, tünd göy alt, orta siniflər üçün ağ üst, sarı alt, ibtidai siniflər üçün isə ağ köynək və tünd qırmızı şalvar (qızlar üçün isə həmin rəngdə sarafan) geyimi əsasdır. Hamı üçün vacib aksessuar isə pioner qalstukudur. O, adətən qırmızı, bəzən isə mavi rəngdə olur.
Yaponiya
Yapon məktəblilərinin geyim forması: sürüşüb düşməmək üçün ayağa kleylə yapışdırılmış ağ qolf-corabdan və qısaldılmış yubkadan ibarətdir.
Qana
Dövlət məktəblərində vahid məktəbli forması – sarı-ərik rəngli üst, qəhvəyi alt forma mövcuddur. Bir məktəbin şagirdlərinin geyim formasının digər məktəb şagirdlərinkindən fərqləndirən əsas nişanə, sol döş üzərində xüsusi emblemin olmasındadır.
Böyük Britaniya
Ölkədə məktəbli formasının yaranması XVI əsrə gedib çıxır. Bu gün məktəbli forması üçün xüsusi tələb olmasa da, formalar regiondan və təhsil müəssisəsindən asılı olaraq fərqlidir.
Christ’s Hospital School «göy palto məktəbi» adlanır. Forma 1553-cü ildən tətbiq olunur, uzun göy paltodan, hakim qalstukundan, qısa şalvardan və sarı corabdan ibarətdir.
2011-ci ildə şagirdlər bu formanın bayram geyim forması kimi saxlanılmasının lehinə səs vermişdir.
