Paris-Sakle (Fransa) Universitetinin alimləri Luvr muzeyinin əməkdaşları ilə birlikdə muzeydə saxlanılan qədim yunan və qədim Misir kosmetika vasitələrini öyrəniblər.
Qədim zamanlardan insanlar boyayıcı məhsullar qismində karbonat qurğuşundan istifadə ediblər.
Əvvəllər alimlər bunun yaşını radiokarbon analizlərin köməyi ilə müəyyənləşdirə bilməsələr də, fransız mütəxəsisləri Luvrda saxlanılan kirşanın yaşını müəyyən edə biliblər. Tədqiqatçılar müəyyən ediblər ki, qədim misirlilər təbii minerallarla (serussit və fosqenit) zəngin olan kosmetik vasitələrdən 3500 il əvvəl istifadə ediblər. XII Sülalənin hakimiyyəti dövründən başlayaraq, Yeni Çarlıq (e.ə. 2000-1200-cü illər) dönəminədək, misirlilər heç bir kimyəvi qatqı olmadan təbii tərkibli kosmetik vasitələrdən istifadə edib. Müxtəlif tərkibli minerallarla zəngin olduğuna görə bu kosmetik qatqılar qara rəngdən açıq-boz rəngədək dəyişə bilirdi. Qatqıya ağ rəng verən maddə təbiətdə çox nadir tapılan fosqenit idi.
Mənbə: Vokrugsveta.ru
