Afrika təəssüf ki, daim iç savaşlara və səfalətə meydan olmuş, ağ dərililərin bura ayaq basması ilə buranın hüzuru daha da pozulmuşdur. Nigeriya Afrikanın əhalisinə görə ən böyük dövlətidir. Nigeriyanın ən böyük talehsizliyindən biri də burada neftin olmasıdır…
Yakubu Qovon (Yakubu Gowon), Nigeriyada yaşayan hərbçi və dövlət adamıdır. 1970-1975-ci illərdə Nigeriyaya rəhbərlik etmişdir. Daha doğrusu, Nigeriyanı qarışdırmış, vətəndaş müharibəsinin və bunun da nəticəsində 1 milyon insanın ölümünün və itkin düşməsinin baiskarı olmuşdur.
Yakubu Qovon Nigeriyanın şimalında bir qəbilədə dünyaya gəlmiş, daha sonra hərbi məktəbə daxil olmuşdur. Böyük Britaniya və Qanada hərbi təhsil almışdır. 1963-cü ildə Konqoda döyüşmüş və bir sıra uğurlar qazanmışdır. 1967-ci ildə Nigeriyada çevriliş nəticəsində general Conson hakimiyyətə gəlir. Yakubu Qovon bacarıqlı hərbçi kimi Baş Qərargah rəisi təyin olunur. Daha sonra yenidən hərbi çevriliş edilir. Lakin tərəflər arasında razılıq əldə olunur və Qovon dövlətin başına gətirilir.
O, hakimiyyətə gələn kimi hərbi idarəçiliyin mülki idarəçiliklə dəyişdiriləcəyinə söz versə də, buna əməl etmir. Bunun əvəzində ölkənin şimalında yaşayan İbo qəbiləsinə qarşı soyqırım həyata keçirməyə başlayır. Bu da vətəndaş müharibəsinə səbəb olur.
Ölkə qarışır, buna görə də o, 27 may 1967-ci ildə fövqəladə vəziyyət elan edilir. Ölkə 12 əyalətə bölünür. Fövqəladə vəziyyətin elan edilməsinin məqsədi İboların şərqə dənizə çıxışına mane olmaq idi…Dənizlə əlaqəsi itən İbo xalqı öz dövlətlərini – Biafra dövlətinin yaradıldığını elan edirlər. Lakin vətəndaş müharibəsi 1970-ci ildə hökumət qüvvələrinin qələbəsi ilə yekunlaşır.
Nəhayət, 1975-ci ildə Qovon Uqandaya səfər edərkən ölkədə çevriliş edilir və o, hakimiyyətdən salınır. Ölkəsinə qayıtmayan Qovon, İngiltərəyə gedir. 1 il sonra yenidən çevrilişə cəhd etsə də, buna nail ola bilmir.
1980-ci ildə o, əfv edilir və ölkəsinə qayıdır.
