Arxeoloji qazıntılar nəticəsində Nil çayının deltasında yaşı beş min ildən çox olan pivə bişirilən yer aşkar edilib. Qazıntılar nəticəsində alimlər iki binanın təməlini aşkar ediblər. Aşkar edilmiş tapıntılar arasında yeməklər, qablar, bıçaqlar, lövhələr, hətta insan və it mumiyaları da qeydə alınıb. Bu itlər, ən nadir növlərdən olan ərəb ov itləridir. Bu, bir daha onu göstərir ki, pivə bişirilən yerin sahibləri tanınmış və varlı adamlar olub.
Pivə insanların icad etdiyi ilk spirtli içkilərdən hesab edilir. O, nəinki Misirdə, həmçinin qədim Çində də istehsal edilirdi.
Mənbə: Vokrugsveta.ru
