Amerikalı rejissor və aktyor Mel Colm-Sil Gerard Gibson öz şirkəti “Icon Productions” ilə Xocalıda azərbaycanlıların soyqırımı haqqında film çəkəcək.
“Mən Xocalı şəhərinin əhalisinin faciəsi ilə dərindən şok oldum, sülhsevərlərə qarşı belə bir qəddarlıq, hətta müharibə dövründə də çox nadir haldır…” Mek Gibson deyib.
“Mən çox uşaqlı İrlandiyalı katolik ailəsində doğulmuşam və İrlandiyalıların qurbanları mənə yaxşı tanışdı.” deyə dahi aktyor əlavə edib.
Xocalı hekayəsi ilə tanış olanda bu qətllərin ölüm səhnələri ilə dolu hansısa filmdən olduğunu düşündüm ancaq bütün bunlar həqiqət olduğu ortaya çıxdı.
Xocalı faciəsi ilə bağlı “Icon Productions” film şirkəti ilə film çəkmək üçün hazırlaşırıq.
Hər bir millətin soyqırımı məsələsində rəftar kəskin mənfi olur.
Uzun illər ABŞ-da ermənilərin “Hay Dat” təşkilatı Hollivudun aparıcı istehsalçıları və idarəçiləri ilə 1915-ci il hadisələrinə həsr olunan “Musa Dağının 40 Günü” (Avstriyalı yəhudi əsilli yazıçı Franz Werfel tərəfindən hazırlanmış bir roman) adlı “soyqırım” mövzusunda bir film çəkmək barədə danışıqlar aparmışdır. Lakin heç bir rejissor bu layihəyə razılıq verməyib.
Kanadalı rejissor Atom Egoyanın çəkdiyi “Ararat” filmi Mel Gibson tərəfindən çəkilməli idi. Lakin sonradan ABŞ-da yəhudi və türk təşkilatlarının təzyiqi sayəsində Mel bu proyektdən imtina etdi. “Ararat” filmi çəkilsə də, anşlaq olmadı və heç bir rezonans yaratmadı.
ABŞ-da fəaliyyət göstərən Azərbaycan lobbisi də uzun illər Xocalı soyqırımı haqqında film çəkmək üçün ciddi səy göstərmişlər.
Mel Gibsona məxsus “Icon Productions” film şirkətinin layihəsi 2020-ci ilin əvvəlində başlayacaq. Çəkilişlərin Türkiyənin İğdır bölgəsində aparılması planlaşdırılır.