Yüksək temperatur insanların bilinc imkanlarına təsir edir. Bu qənaətə Harvard Universitetinin alimləri Bostondakı yataqxanaların birində apardıqları eksperimentin nəticəsi olaraq gəliblər.
Bunun üçün 48 nəfərdən ibarət qrup seçilib. Bunların yarısı kondisionerli otaqlarda, qalan yarısı isə adi otaqlarda yerləşdirilib. Yekunda müşahidə olunub ki, kondisioner olmayan otaqlarda yaşayan tələbələr informasiyanın pis dərk edilməsində və suallara ləng cavab verməklə, o birilərdən fərqlənirlər. Təəccüblü olan isə budur ki, güclü “qırılma” nöqtəsi hərarətin pik saatlarında deyil, sərinlik düşən vaxtlarda olur. Bunu da onunla izah edirlər ki, güman ki, hava sərinləşdikcə binada hərarət artır.
