Qədim Çin təqviminə görə, hər il bir ünsürün hökmranlığı altında olur: Od, Su, Hava, Torpaq, Ağac və ya Metal…
Astroloqlar qeyd edirlər ki, hər bir ünsür insan xarakterinə və taleyinə ciddi şəkildə təsir göstərir və hər bir insanın doğum ilinin sonuncu rəqəmində sirr olaraq saxlanılır.
Əgər doğum ilinizin sonuncu rəqəmi o və ya 1-dirsə, sizin ünsürünüz – Metaldır. İstiqamət – Qərb, rəng – ağ, fəsil – payızdır.
“Metal insanlar” nə istədiklərini, hər bir situasiyada nəyi necə edəcəklərini yaxşı bilirlər. Onlar təklikdən qorxmurlar, hər bir çətin şəraitdə yaşamağı bacarırlar. Özlərinə və ətrafdakı insanlara qarşı çox tələbkardırlar. Pula, hakimiyyətə çox meyllidirlər, cah-cəlal içində həyat sürməyi sevirlər.
Əgər doğum ilinizin sonuncu rəqəmi 2 və ya 3-dürsə, sizin ünsürünüz – Su, istiqamət – Şimal, rəng – qara, fəsil -qışdır.
“Su nümayəndələri” adətən başqalarının fikirlərinə çox önəm verirlər. Onlar ünsiyyətcildirlər, güclü intuitsiya sahibidirlər. Buna görə də, diplomat kimi çox səriştəli ola bilirlər. Onlar başqalarını manipulyasiya etməyi yaxşı bacarırlar.
Əgər doğum ilinizin sonuncu rəqəmi 4 və ya 5-dirsə, sizin ünsürünüz – Ağac, istiqamət – Şərq, rəng – yaşıl, fəsil – bahardır.
“Ağac insanlar” çox işgüzar, cəsurdurlar. Qarşılarına qoyduqları bütün məqsədlərə nail olmağı bacarırlar. Onların istedadı və yaradıcılığı hər bir sahədə uğur qazanmalarına köməklik edir. Bu ünsür nümayəndələri yaxşı dost, ideal komanda oyunçusudurlar.
Əgər doğum ilinizin sonuncu rəqəmi 6 və ya 7-dirsə, sizin ünsürünüz – Od, istiqamət – Cənub, rəng – qırmızı, fəsil -yaydır.
“Alovlu insanlar” yaxşı lider, rəhbər ola bilirlər. Yüksək intellektə və xarizmaya malikdirlər. Onlar tənhalıqdan qorxurlar, lakin eqoizmləri və heç kimin fikrini önəmsəməmələri bəzən onları tənha qoyur.
Əgər doğum ilinizin sonuncu rəqəmi 8 və ya 9-dursa, sizin ünsürünüz – Torpaq, istiqamət – Mərkəz, rəng -sarı, fəsil -“off-season” (fəsilsizlik və ya fəsillər arası).
Bu adamlar yaxınlarına qarşı çox qayğıkeş və sevgiyə möhkəmdirlər. Dostluqda da fayda axtarırlar.Yüksək intuitsiyaları onlara hər bir işdə böyük perspektivlər açmağa kömək edir. Total nəzarətə meyllidirlər.
