1978-ci ildə Cənubi Amerikada yerləşən Qayana ölkəsində olan Constaun (Jonestown) qəsəbəsində 911 adamın eyni anda intihar xəbəri dünyaya səs salmışdı.
1931-ci ildə İndianada dünyaya gələn Cim Cons (Jim Jones) təhsilini bitirdikdən sonra, bir kilsə qurur və Xalqın məbədi adlı təriqət yaradır. Moizələrində ağ və qaraların bərabər hüquqlu olduğunu dediyinə görə, sıralarına xeyli sayda qara dərili insan üzv olur. Çox güclü nitq və insanları cəlb edə bilmə qabiliyyəti olduğuna görə, insanlar hətta onu insanüstü bir varlıq hesab etməyə başlayırlar.
Kaliforniyada fəaliyyət göstərən kilsəyə verilən ianələr, edilən yardımlar nəticəsində, Cim Cons, tez bir zamanda böyük sərvət sahibi olur və medianın diqqətini daha çox cəlb etməyə başlayır.
1977-ci ildə o və onun müridləri Qayanaya gəlir. Gözdən-qulaqdan uzaq bir yerdə məskunlaşmaq məqsədilə burada bir qəsəbə qurur və Constaun adlandırırlar. Burada toplu ölümün müqəddəs bir şey olduğunu deyərək, tez-tez toplu intihar “məşqləri” edirlər.
Bu arada, xüsusilə Respublikaçılar tərəfindən çox tənqid olunurlar və təriqət üzvləri arasında insan hüquqlarının vəziyyətinin araşdırılması məqsədilə bölgəyə bir senator və media qrupu göndərilir. Bunu eşidən bir neçə təriqət üzvü, “buradan getmək istəyirik” dedikdə, naməlum şəxslər tərəfindən gülləbaran edilir və beş nəfər həyatını itirir. Bölgəyə çatdıqda isə qrup daha dəhşətli mənzərənin şahidi olur: Cim Cons və 911 nəfər müridi sianid içərək intihar etmişdi… Araşdırmalar zamanı Consun özünü silahla vurduğu, intihardan öncə kütləyə intihar əmri verdiyini təsdiq edən səs yazıları aşkar olunur.
Bu hadisənin ardından bir sıra fərziyyələr, konspirasiya nəzəriyyələri ortaya çıxmışdır.
Deyilənə görə, Cim Consun atası “Ku Kluks Klan” təriqətinin üzvü olub və Consun özü Mərkəzi Kəşfiyyat İdarəsi (CİA) tərəfindən yetişdirilib. Həmçinin bunun bir təcrübə (Mega Ultra layihəsi) olduğu, 200 min nəfər şəhər əhalisinin uyuşdurucu aludəçisinə çevrildiyi və üzərilərində zehin kontrolu təcrübəsi aparıldığı söylənilir. Bəzən isə onun ölmədiyi iddia olunur.
Oğlu tərəfindən edilən açıqlamaya görə, atasının LSD, amfetamin kimi uyuşdurucu maddə qəbul etdiyi deyilir.
Ayrıca, onun gizli seks əyləncələri daxil bir çox adamla, hətta kişilərlə cinsi əlaqəyə girdiyi, toplum tərəfindən Consun insanüstü bir varlıq kimi qəbul edildiyi ifadə edilir.
