Ayaqları quma basdırmağın faydalı olub-olmadığı haqda fiziki müalicə və reabilitasiya üzrə mütəxəsis Dr. Şahap Demirboğan maraqlı açıqlamalar edir…
O, ayaqları və ya ümumən bədəni quma basdırmağın faydası bir yana, zərərlərini anladır.
Hər birimiz yay fəslini, tətili dəniz və qum üçün gözləyirik. Revmatizmi olanlar isə xüsusilə qum vannalarına can atırlar. Lakin qum vannasının sözdə deyilən xeyirlərindən zərəri daha çoxdur.
Qum vannası ürək-damar xəstəliyi, yüksək təzyiqi olanlara, revmatizmi olanlara yaşlılara zərərlidir. Qızmar qumun içində müəyyən müddət qalınca hərarət qan basıncını yüksəldər və bu da, müvəqqəti rahatlanmaya səbəb olar. Bu, bir növ masaj xarakterli rahatlıqdır. Ondan ötəsi yoxdur.
Üstəlik, yuxarıda qeyd olunan xəstəlikləri olan şəxslər qızmar günəş altında çox dayanmamalı (başlıq, papaq geyməli), dəniz kənarında, eləcə də, hovuz qırağında günəşlənməməlidir. Bunları günün müəyyən saatlarında – Günəşin zərərli olmadığı vaxtda edə bilər.
Bir sözlə, Dr.Şahap Demiboğan məsləhət görür ki, qum vannasından uzaq durmaq lazımdır. O, iflic riskini artırır. Əsas o məsləhət olunur ki, bol-bol fiziki hərəkətlər, çalışmalar edilməli, dənizdə üzməli və bununla da, həm ürək-damar, həm əzələ sistemini gücləndirmək olar.
