Özəlliklə yay aylarında başımıza gələn arı sancması adamdan adama və arının sancdığı hissəyə görə fərqli təsirlər meydana gətirir. Əgər arı sancmasına qarşı hər hansı allergiyanız yoxdursa, bunun təhlükəli olmadığını qeyd etməyimiz lazımdır.
Əgər buna qarşı allergiyanız varsa, arı sancması zamanı ilk əvvəl həkimə müraciət etməyiniz gərəkdir. Bununla yanaşı, sancma zamanı şişkinliyin aradan qaldırılması üçün bir sıra təbii vasitələr həyata keçirmək olar.
İlk növbədə, sancma zamanı meydana gələn şişkinliyi aradan qaldırmaq üçün arının iynəsi çıxarılmalı, həmin hissə qaşınmamalıdır. Çünki qaşıdığınız təqdirdə zəhər digər hissələrə də yayılır. Daha sonra həmin hissəni sabunlu su ilə yumaq lazımdır. Arı sancan hissəni soyuq su və ya buz ilə soyuq saxlamaq, yaxud həmin hissəyə qatıq sürtmək gərəklidir.
Sancmanın fəsadlarını aradan qaldırmaq üçün digər yol isə, cəfərini yaxşıca döydükdən sonra bezlə həmin hissəyə sarımaqdır.
Arpa unu və sirkə: bunlardan hazırlanmış xəmiri həmin hissəyə sürtmək lazımdır.
1 ədəd soğanı iki hissəyə bölüb, iç tərəfini həmin hissəyə sürtmək və ya bir diş sarımsağı yaxşıca əzdikdən sonra sancılan hissəyə sürtmək lazımdır.
Soda və suyu qarışdırıb, həmin hissəyə sürtmək lazımdır.