Holland kişilər niyə hündürboylu olur? Çünki xanımlar belə istəyir…
Elm adamları son iki yüz ildə holland kişilərin, inkişaf etmiş ölkələrdə yaşayan kişilərin boylarından orta hesabla 18 sm hündür olmasının səbəblərini araşdırıblar. Səbəb çox maraqlıdır – cinsi seçmə.
XVIII əsrin ortalarında holland əsgərlərin boyu ortalama 165 sm idi. Kral Cəmiyyəti tərəfindən hazırlanan məqaləyə görə, o zaman amerikan əsgələrin boyları hollandlarınkından təxminən 8 sm uzun idi.
Amma indi vəziyyət tamam fərqlidir. Hazırda holland kişilər orta hesabla 184 sm boya sahibdirlər və bu rəqəmə görə, dünyada liderdirlər. Onlardan sonra siyahıda skandinaviyalılar gəlir. Onlar orta hesabla 178 sm boya sahib amerikanlardan əvvəlki sırada qərar tutur. Alimlər qeyd edir ki, son iki yüz ildə amerikanların boyu sadəcə 6 sm artıb. Hollandlar da isə bu artım daha çoxdur – 20 sm.
İndiyə qədər boylarının sürətlə uzanması zənginlik və pəhrizlə əlaqələndirilirdi. Ancaq London Gigiyena və Tropik Tibb fakültəsinin araşdırmaçısı Gert Stulp iddia edir ki, bunun səbəbi cinsi seçmədir.
Stulp və digər araşdırmaçılar 1935-167-ci illər arasında 168 min hollandın məlumatlarını araşdırdılar və doğrudan da, holland qadınların hündürboylu kişiləri çox sevdiklərinin, bu boy artımında əhəmiyyətli rol oynadığı qənaətinə vardılar. Araşdırmaya görə,hündürboylu kişilər və qadınlar daha çox uşağa sahib olublar. Bu kateqoriyadan olan kişilərin, həm də təhsilə daha çox önəm verdiyi bəlli olub. Bu cür kişilər yaxşı təhsil alıb, ailə həyatı qurmağa və övlad sahibi olmağa can atırlar. Həmçinin hollandlar arasında hündürboylu kişilərin daha yaxşı gəlir əldə etdikləri məqamı da maraq kəsb edir.
