Alman arxeoloqları keramik qabda protein tərkibli qida parçaları aşkar ediblər. Bu qalıqlar Brandenburqda Friesack 4 adlandırılan obyektdə aşkar edilib. Sən demə, insanlar 6 min il əvvəl kürünün nə olduğundan xəbərdar imişlər.
Alimlər qədim yeməyin reseptini də müəyyən etməyi bacarıblar: bunu suda qaynadılmış karp kürüsü və ya balıq bulyonu da adlandırmaq olar. Hazırlanmış bu yemək qablara qoyulur və saxlanmaq üçün üstü yarpaqlarla örtülürmüş. Balıq bulyonu və kürü qədim insanların qida rasionuna daxil olan yeganə məzə deyil. Arxeoloqlar bundan başqa donuz ətinin qalıqlarını da aşkar ediblər.
