Daha çox “Ka-Re” təxəllüsü ilə tanınan türkmənistanlı hip-hop və pop müğənnisi Kakacan Recepov 30 yanvar 1987-ci ildə Türkmənistanın Aşqabad şəhərində, çox kasıb ailədə doğulub və boya-başa çatıb. Lakin uşaqlıqdan sinif yoldaşları və həmyaşıdlarında müşahidə olunmayan artistik bacarıq, yaradıcılıq hiss olunurdu onda…Və anlayırdı ki, öz maddi vəziyyətini yalnız özü düzəldə bilər. Çünki ailəsinin onsuz da buna gücü çatmırdı.
Aşqabadda dostu Nazir Həbibov ilə bir neçə səhnədə çıxış etməyə başlayır Kakacan. Lakin az sonra dostu həbs olunur. Ölkəsində müğənnilərə qarşı fərqli ab-hava mövcud olduğundan, bundan sonrakı həyat və yaradıcılığını Rusiya ilə bağlamaq qərarına gəlir. Və beləcə, ölkəni tərk edir…
Bu gün şou-biznesdə özünəməxsus stilə və auditoriyaya malikdir. 2017-ci ildə “Opa-opa”, “Sən mənimsən”, “Uçuram”, “Qardaş”, “Abadda”, “Dost”, “Bayk”, “Ulduz”, “Türkmənistan”, “Xoşbəxtlik quşu”, “Dəniz”, “Payız” və digər mahnıların müəllifidir. Ən məşhur mahnısı isə “Yarı”dır…
Ka-Re heç zaman ailəsiylə bağlı müsahibə verməkdən xoşu gəlmir. Hazırda ailəlidir və Rusiyada yaşayır.
