Konk Respublikası və ya Rakovina Respublikası 23 aprel 1982-ci ildə Ki-Uest meri Dennis Uardlou tərəfindən ABŞ-ın Florida-Kis arxipelaqının ərazisində yaradılmış virtual dövlətdir.
ABŞ hökuməti arxipelaq ilə materikin birləşdiyi ərazidə narkotiklə və qanunsuz immiqrantlarla mübarizə məqsədilə sərhəd patrulu yaratmışdı. Bu isə magistralda böyük tıxacların yaranmasına və turistlərin hərəkətinə maneçilik törətdiyi üçün Ki-Uest şəhər rəhbərliyinin dəfələrlə narazılğına səbəb olmuşdu. Lakin bu haqlı iradlar hər dəfə cavabsız qalırdı. Belə olduqda 26 aprel 1982-ci il tarixdə Ki-Uest şəhər meri Dennis Uordlou arxipelaqın müstəqilliyini elan edir və materiklə arxipelaq arasına sərhəd çəkir. O, özünü yeni elan etdiyi respublikanın ilk prezidenti bəyan edir. Bundan az sonra isə ABŞ-a müharibə elan edir. Lakin müharibə çox az sürür. Cəmi bir neçə dəqiqə sonra kapitulyasiya elan edir və dünya ictimaiyyətindən 1 milyard dollar həcmində beynəlxalq yardım tələb edir. ABŞ hökuməti buna laqeyd yanaşır, həmçinin mediada belə bu hadisə çox az işıqlandırılır.
“Konk” (“Conch”) adı burada yaşayan Avropa mənşəli bahamlıların adının şərəfinə qoyulub.
Konk Respublikasının öz pasportu var və bunu hər bir turist http://www.conchrepublic.com/ saytına daxil olub, qeydiyyatdan keçməklə əldə edə bilər.
1995-ci ildə cırtdan dövlət ABŞ-ın kiçik mülki və yanğınsöndürən donanmasına hücum edir. Səbəb isə Dray-Tortuqas milli parkının bağlanması idi.
