Qara əncir və onun təbii dərman kimi faydaları

Təbii dərman hesab olunan qara əncir müalicəvi məhsul sayılır. Onun müalicəvi xüsusiyyətlərini tək xalq təbabəti deyil, ənənəvi təbabət də təsdiq edir və yüksək qiymətləndirir. Tərkibi “Fisin” maddəsi ilə olduqca zəngin olan bu meyvə qan damarlarını təmizləyir, onları daha elastik və möhkəm edir. Bu səbəbdən qara əncir aterosklerozun və damarlarda trombların əmələ gəlməsinin əsas profilaktik vasitələrindən biridir. Qara əncir qan azlığı olan insanlar üçün çox faydalıdır; o bu zaman ürəyin fəaliyyətini yaxşılaşdırır, onu möhkəmləndirir. Qara əncir beyinin fəaliyyətinə, beyin damarlarının vəziyyətinə də çox müsbət təsir edir. Bronxit, nəfəs yollarının iltihabları zamanı qara əncir çox güclü müalicəvi təsirə malik olur. Bu meyvə nəfəs yollarını selikdən və mikroblardan təmizləyir, iltihabı azaldır. Qara əncir insanın enerjisini artırır, insana güc verir. Qara əncirin badamla qarışığı hələ qədim zamanlardan zəiflənmiş, çəkisini itirmiş, iştahası pis olan insanlara müalicəvi və ümumi möhkəmləndirici vasitə kimi verilir.