Fransa: absent (70%)
Bu alkoqollu içki yovşan yarpağı və çiçəyindən hazırlanır. Spirtin faizi 70%-dən çoxdur. XX əsrin ortalarına kimi absent narkotik içərikli, hallüsinasiya yaradan bir içki hesab olunduğundan bir çox ölkələrdə qadağan edilmişdi.
Niderland: cin (37.5%)
Cin XVII əsrdə Niderlandda bubon (qasıqda limfa vəzilərinin iltihabı) vəbasına qarşı dərman kimi icad olunub. Onun ikinci adı ardıc arağıdır. Cin bir çox kokteyl üçün əsas hesab olunur. 1920-ci illərdə – dəbdəbəli gecələr və caz musiqisinin inkişaf etdiyi zaman Amerikada öz populyarlığının pik dövürünü yaşayıb.
Bu içki şərab dadı verir. Bəzən onu viski ilə müqayisə edirlər. Amerikada ona meyvə siropu da əlavə edirlər. İtaliyada həmçinin qrappanı espressoya da əlavə edirlər və əldə olunan kofe korretto adlanır.
Çin və Koreya: siçovul şərabı (40%)
Bu ekzotik içkini hazırlamaq üçün hələ gözləri açılmamış siçovul balalarından istifadə edirlər. Bu gəmiriciləri içkinin içərisinə atır və bir il saxlayırlar. Çinlilər və koreyalılar bu içkini müalicəvi hesab edir və belə düşünürlər ki, yeni doğulmuş siçovul balaları içkiyə öz həyat enerjilərini verir.
Skandinaviya ölkələri: akvavit (38%)
Ənənəvi skandiviya naharı akvavitasız keçmir. Latıncadan hərfi tərcüməsi “həyat suyu” (aqua vitae) deməkdir. Hazırlanması üçün kartof spirtindən istifadə edilir. O, su ilə qarışdırılır. Çəlləklərdə 3 aydan 12 ilədək saxlanılır və buz kimi soyuq halda içmək tövsiyyə olunur.
