Braziliyanın qəbilə xalqlarının müdafiəsi üzrə agentliyinin (FUNAİ) əməkdaşları cəngəllikdə tənha yaşayan adamın görüntülərini yayıblar. Braziliyalı rəsmilər 20 ildir ki, onu müşahidə edirlər. O, tayfasından yeganə sağ qalanıdır. Deyilənə görə, 70-ci illərin sonlarında onun tayfası qonşu ranço sahiblərinin etdiyi basqınlar nəticəsində məhv edilib.
O, meşədə saman komada (içərisi dərin oyuqdur) yaşayır. O, hətta ov üçün 2 metrlik çuxur-tələ də düzəldib. Onun öz bağı da var – burada qarğıdalı, tapioka, papayya və banan becərir.
