“Visa” Rusiyada keçirilən futbol üzrə Dünya çempionatında ən çox pul xərcləyən xarici azarkeşlərin statistikasını aparıb. Məlum olub ki, ən çox pul xərcləyən, alış-veriş edən azarkeşlər ABŞ və Çindən gələn azarkeşlərdir və ən çox pul xərclənən şəhərlər isə Moskva, Sankt-Peterburq və Soçidir.
Çempionatın ilk günlərində Moskva şəhərində əcnəbi azarkeşlərin VİSA kartı vasitəsilə xərclədiyi pulun məbləği 1.7 milyard rubl (təxminən 44.200.000 AZN) təşkil edib. Bu haqda şirkət RBK-ya məlumat verib. VİSA FİFA-nın rəsmi tərəfdaşı və dünya çempionatının sponsorudur.
Əcnəbi azarkeşlərin çox pul xərclədiyi digər şəhərlər – Sankt-Peterburq (506 milyon rub /13.156.000 AZN), Soçi (104 milyon rubl / 2.704.000 AZN), Kazan (71 milyon rubl / 1.846.000 AZN) və Yekaterinburq (48 milyon rubl / 1.248.000 AZN) şəhərləridir. Bu rəqəmlər VİSA-nın 14-18 iyun tarixləri arasında hesabladığı rəqəmlərdir.
Ən çox pul xərcləyən azarkeşlər ABŞ, Çin və Meksikadan olan azarkeşlərdir. Ən az pul xərcləyənlər isə Tonqa Krallığından gəlmiş turistlərdir.
Turistlərin ən çox pul xərclədiyi xidmətlər – mehmanxana xidmətləri, geyim alışı, restoran və kafelərin göstərdiyi xidmətlər müqabilində olub. Ödənişlər üçün verilən qəbzin orta məbləği 3575 rubl (92.95 AZN) təşkil edir. Oyunların keçirildiyi 11 şəhərdə hər beş alışdan biri (17%) – smartfon, bilərzik və üzüklər daxil – qeyri-nəğd formasında aparılıb. Bu qəbzlərdən ən yüksək məbləğ (23 min rubl / 598 AZN) “lüks kateqoriyalı mallar”, daha sonra isə “otel xidmətləri” (15 min rubl / 390 AZN) üçündür. “Dəbli geyimlər” üçün ödənilən məbləğlərin qəbzi orta hesabla 8 min rub (208 AZN) təşkil edir.
14 iyundan 21 iyunadək stadionlarda azarkeşlər tərəfindən VİSA kart və ya nəğd şəkildə xərclənən pulların da statistikası aparılıb.
Ən yüksək ödəmə əməliyyatlarının aparıldığı stadion “Lujniki” stadionudur. Burada 139 milyon rubl (3.614.000 AZN) xərclənibdir ki, bunun da 71 milyon rublu (1.846.000 AZN) əcnəbilərə, 68 milyonu (1.768.000 AZN) isə ruslara məxsusdur. Ən az pul xərclənən stadion isə Kalininqrad stadionudur (16.5 milyon rubl /429.000 AZN). Bütün stadionlarda ödənilən məbləğin qəbzinin orta həcmi 1682 rubldur (43.73 AZN).
VİSA kartla xərclənən pullar baxımından ən “bahalı” oyun 14 iyunda “Lujniki” stadionunda keçirilən Rusiya və Səudiyyə Ərəbistanı yığmaları arasında keçirilən açılış matçıdır. Bu matçı stadionda dünyanın 123 ölkəsindən gəlmiş azarkeş izləyib. İkinci belə matç isə 17 iyun tarixində yenə də “Lujniki” stadionunda keçirilən Almaniya – Meksika matçıdır (116 ölkə). Lakin şirkət bu oyunlar zamanı xərclənən pulun miqdarını açıqlamır.
Stadionlarda ən yüksək ödəmələr ABŞ, Meksika və Çin banklarının verdiyi VİSA kartlar vasitəsilə həyata keçirilib. Bütün stadionlarda həyata keçirilən qeyri-nəğd ödəmələr 54% təşkil edir.
Stadionlarda azarkeşlər daha çox yemək, içki, sonra isə suvenirlərə pul xərcləyib. Rus azarkeşlərin yemək və içki üçün xərclədiyi pullar əcnəbilərin yemək və içkiyə xərclədiyi puldan iki dəfə çoxdur. İdman mağazalarında həm rus, həm də əcnəbi azarkeşlərin idman suvenirləri üçün xərclədiyi pul isə təxminən bərabərdir. Əcnəbilərin xərclədiyi pullar üçün verilən qəbzlərin orta rəqəmi hər iki kateqoriya üçün üstünlük təşkil edir.
Qeyd edək ki, futbol üzrə Dünya çempionatı 14 iyun – 15 iyul tarixləri arasında Rusiyanın 11 şəhərində keçirilir.
Mənbə: RBC.ru