Avstriyalı baş həkim dr. Sepp Fegerl yeməyi nə üçün çox çeynəməli olduğumuzu, yemək zamanı su içməyin niyə zərərli olduğunu, axşam yeməyində səbzə, salat və meyvənin niyə yeyilməməli olduğunu, kartofun zərərli olub-olmadığını, şəkər və çörək yeməyin orqanizmə necə təsir etdiyi barədə öz fikirlərini bölüşdürüb.
O, bu kimi müalicə üsulları ilə məşğul olan MAYR Tibb klinikasının rəhbəridir. Bu klinika Avstriyada (iki mərkəz), habelə London və Vyanada fəaliyyət göstərir. Burada 3 ayrı yemək menyusu var və həkim məsləhətindən sonra özəl dieta menyusu tərtib edilir.
Dr. Sepp Fegerl qeyd edir ki, yemək zamanı ən əsas şey yeməyin uzun müddət çeynənilməsidir. Yeməyi uzun müddət çeynəməklə qida daha çox parçalanır və vitaminlər və minerallar asanlıqla bədənimizə sovrulur. Əks halda isə, qida tam həzm olunmur. Hər nə qədər keyfiyyətli qida olursa-olsun, çox çeynənilməzsə, heç bir effekti olmur.
Daha sonra o, qeyd edir ki, klinikada axşam yeməyi demək olar ki, verilmir. Yalnız şorba təqdim olunur. Çünki axşamlar insanın əzələləri daha yorğun olur, mədə və bağırsaq fəaliyyəti zəifləyir. Odur ki, ağır yeməklər orqanizmə ziyan vura bilir. Çiy qidaların rasiondan çıxarılmalı olduğunu qeyd edir, dr. Fegerl.
Şəkərin asılılıq yarada biləcəyi iddiasını irəli sürən tibb adamı, birdəfəlik şəkərdən imtinanın önəmli olduğunu qeyd edir.
Yemək yeyərkən su içməyin düzgün olmadığını deyən dr.Fegerl, bunu suyun həzmi tezləşdirən mayeni yuyub-aparması ilə əsaslandırır. “Su sadəcə, yeməklər arası və ya yeməkdən yarım saat öncə içilməlidir” deyə doktor qeyd edir.
Bundan başqa, dr.Sepp Fegerl kartofun xeyirli olduğunu və piylənmə yaratmadığını qeyd edir. “Lakin bu, qızardılmış kartofa aid deyil” Fegerl fikirlərinə yekun vurur.
Mənbə: Sozcu.com.tr
Hazırladı: İsmayıl Süleymanov
