Bort baxıcıları (təyyarələrdə nizam və qaydaya nəzarət edənlər) xərçəng riski digər insanlara nisbətən ən yüksək olan peşə sahibləridir. Bu iddia Harvard Universiteti yanında İctimai Sağlamlıq Məktəbinin ekspertlərinə aiddir. Bu tədqiqat Environmental Health adlı jurnalda dərc olunubdur.
Mütəxəsislər təcrübə əsnasında 5 min bort baxıcısı və 3 min oxşar iqtisadi statusa malik kişi və qadınlar arasında müayinələr aparıblar ki, nəticədə uçuş heyəti arasında bu riski daşıyanların sayı çoxluq təşkil edib. Məruzədə deyilir ki, bort baxıcılarının döşlərində xərçəngin inkişafı 3.4% təşkil edibsə, digər qruplardan olan insanlarda bu rəqəm 2.3% civarında olub.
Belə bir fikir var ki, bunun səbəbi uçuş heyətinin ionlaşmış şüalanma və qeyri-normal iş rejiminin olması ilə əlaqədar ola bilər. Avropa İttifaqı ölkələrində radiasiyanın səviyyəsinə nəzarət edilsə də, Amerika aviakompaniyalarında buna riayət olunmur. Tədqiqatın həmmüəlliflərindən biri Marina Mordyukova deyir ki, bort baxıcıları mütəmadi olaraq, ultrabənövşəyi şüalanmaya qarşı xüsusi kremlərdən istifadə edirlər, həmçinin onlara istirahət günləri bol istirahət etmək, sağlam qidalarla qidalanmaq və idmanla məşğul olmaq məsləhət görülür.
Mənbə: 24smi.org
