Vimana və yoxa çıxmış səkkiz əsgər

8 amerikalı əsgər həmin gün mağarada tapdıqları Vimananın şəkillərini çəkərək hərbi bazaya ötürdülər. Lakin, qəribə bir şəkildə onlar mağaradan yoxa çıxdılar. Onlarla bir daha əlaqə yaratmaq mümkün olmadı. Əsgərlərdən geriyə mağaranın girişindəki avadanlıqları qaldı. Qəribədir ki, bu hadisə ilə bağlı olaraq rəsmi heç bir məlumat olmasa da, hadisədən qısa bir müddət sonra ABŞ prezidenti Barak Obama 3 dekabr tarixində Əfqanıstana sürpriz bir ziyarət etdi. Prezidentin ABŞ əsgərləri ilə görüşünün baş tutduğu deyilirdi. ABŞ prezidentinin ziyarətindən cəmi 4 gün sonra 7 dekabr tarixində isə İngiltərə baş naziri Devid Kameron Əfqanıstana səfər etdi. Cəmi bir gün sonra isə Fransa prezidenti Nikola Sarkozi Əfqanıstana səfər etdi. Lakin bu səfər gizli saxlanıldı. Sarkozi həmin günlərdə Hindistanda səfərdə idi və 8 dekabr tarixində ABŞ ordusuna aid hərbi təyyarə ilə Əfqanıstana təcili gətirildi. 10 gün sonra isə Almaniya kansleri  Angela Merkel Əfqanıstana səfər etdi. Bu səfər bir çox xəbər agentlikləri tərəfindən “sürpriz ziyarət” olaraq təqdim edildi. Bir ay ərzində 4 dünya lideri Əfqanıstana səfər etdi. Angela Merkelin Əfqanıstana səfərindən sonra Rusiya Xarici Kəşfiyyat Xidməti baş nazir V.Putin üçün raport hazırladı. Ruslar nəyinsə baş verdiyinin fərqində idilər. İddialara görə dünya liderlərinin ölkəyə ard-arda səfər etməsinin səbəbi mağarada tapılmış Vimana idi. Əfqanıstanda tapılan Vimananın 5 min yaşının olduğu düşünülür. Obyekti incələmək üçün ona yaxınlaşan alimlərin fikrincə  onun ətrafında qoruyucu bir enerji qalxanı var. Hind dastanlarına görə, Vimanalar iki mərtəbəli, dairə formasındadır. Onlar inanılmaz bir sürətlə hərəkət edə bilir və uçarkən melodik səslər çıxarır. Dastanlarda onların insanlar tərəfindən hazırlanmadığı, Vimanaların ətrafında zaman quyusunun olduğu deyilir. Əfqanıstanda Vimana ilə yanaşı bəzi yazılar da tapılmışdı. Mağarada tapılan həmin yazılara görə, Vimananın gerçək sahibi “Zərdüştlük” adı verilən dinin qurucusu Zərdüştdür. 2010-cu ildə baş vermiş bu hadisənin bəzi detalları bir müddət sonra bəzilərinə məlum olsa da, prezidentlərin səfərinin əsl məqsədi heç vaxt bilinmədi. Bundan 3 il sonra qəribə yazıların olduğu daha bir mağara tapıldı.