Ramin Cavadi (Ramin Djawadi) 1974-cü ildə Almaniyanın Duysburq şəhərində dünyaya gəlib. Atası İrandan Almaniyaya gəlmiş emiqrantlardan olub, anası isə almandır. Atası Münhendə tibb təhsili aldıqdan sonra cərrah işləyib.
Ramin Cavadi bir çox film və seriallar, həmçinin televiziya verilişləri üçün musiqi bəstələyib. İlk əvvəllər o, Hans Zimmerin yanında assistent kimi “Betmen: Başlanğıc” və “Karib dənizinin quldurları: “Qara mirvari”nin lənəti” seriallarının musiqisinin bəstələnməsində iştirak edib.
Onun öz işləri isə “Bleyd: Üçlük” (“Blade: Trinity”), “Tozlardan soruş (“Ask the dust”), “Taleyin əksinə” (“Contra viento y marea“), “Ov mövsümü” (“Open Season“), “Siz kimsiz, Mister Bruks” (“Mr.Brooks”), “Nömrələr listəsi” (“Deception”), “Titanların döyüşü” (“Clash of the Titans”) və “Dəmir adam” (“İron man”) kimifilm və serialların soundtreklərinin bəstələnməsi olub.
Pol Vesterberqer ilə birlikdə o, “Ov mövsümü”nə bəstələdiyi əsərə görə, ASCAP-ın (Amerikan bəstəkarlar, müəlliflər və nəşriyyatçılar cəmiyyəti) xüsusi mükafatına layiq görülüb.
2010-cu ildə «Medal of Honor» kompüter oyunu üçün musiqi bəstələdi. Elə həmin il “Sammy’s Adventures: The Secret Passage” cizgi filmi üçün də musiqi yazdı.
2011-ci ildə HBO kanalında yayımlanan “Taxt-tac oyunları” (“Game of Thrones”) serialının musiqisini bəstələyib. 2013-cü ildə “Sakit okean sahili”(“Pacific Rim”) filminin, 2014-cü ildə “Drakula”, 2016-cı ildə isə “Varkraft” (“Warcraft”) filmlərinin musiqisini bəstələyib.
Bunlardan başqa, Ramin Cavadi “Vəhşi qərb” (“Westworld”) serialının və Gears of War 4 kompüter oyununun musiqisini də bəstələyib.
